ملتقى طلاب وطالبات جامعة الملك فيصل,جامعة الدمام - عرض مشاركة واحدة

سيدة الأسئلهـ · #1 2012- 9- 15

.

السلام عليكم .. أخباركم عساكم بخير

ممممم أنا ياطويلين العمر سجلت هالسنة انتظام بجامعة الدمام

والسبب ياجميلين الذكر لأن تخصص المحاسبة اللي أبيه ماهو موجود عندنا

ولهالسبب سجلت انتظام والأحلى ان التخصص بجامعة الدمام كله يندرس بالانجلش

طيب وين المشكلة ؟

المشكلة هي الجريمة اللي قررت أسويها.. وهي من زمان ببالي بس الحين نفذتها

أنا ياأصدقائي الحين أدرس انتظام وتعليم عن بعد مع بعض

يعني يوم انقبلت انتظام مانسحبت من فيصل

قلبي ماطاوعني والله تعلقت فيكم وأحس لو بنسحب بترك فراغ كبير بحياتي

والسبب الرئيسي ماأبي تعبي سنتين بجامعة فيصل يروح عالفاضي

للاسف مارضوا يعادلون لي الساعات بالدمام قالوا لأنهم يدرسون المواد بالانقلش اما فيصل بالعربي

أبوي نصحني كثير وقال لي ضغط عليك بس أصريت ع قراري

فاللي أبي أستشيركم فيه هو ... بما أني الحين إدارة أعمال بفيصل ..

فكرت بعد مانقبلت انو لو درست محاسبة بيصير قريب من ادارة أعمال ..

يعني أحس الأفضل إني أدرس تخصصين مالهم علاقة ببعض..

وش رايكم .. انا الحين محتارة بهالتخصصات وماأدري وشهو التخصص اللي يدعم إدارة أعمال

وبيفيدني لو درسته .. هذي التخصصات اللي انا محتارة فيها

نظم معلومات .. محاسبة وكل تفرعات ادارة أعمال ... هندسة طبية .. حاسب آلي

وش رايكم ؟

لي رجاء عندكم ماأبي ردود تحطيم قد نزلت موضوع مشابه بالقسم العام ونزلوا فيني تحطيم

أنا محتاجة تشجيع باللي أسويه ... فلا تحطموني =)

وشكراً ..

.