ملتقى طلاب وطالبات جامعة الملك فيصل,جامعة الدمام - عرض مشاركة واحدة

BeeB · 2010- 1- 20

عليكم السلام ..

انتي تبين تحولين لكلية العلوم الطبية التطبيقية في جامعة الدمام على حسب كلامك .. ومن جامعة اخرى ..

بالنسبة للمواد اللي تدرس في السنه الاولى (التحضيرية ) راح تلقينها موضحه كلها بالمواضيع المثبته ..

والتخصص يبدآ من السنه الثانيه ومن الفصل الاول ..

اقتباس:

السؤال دكاترتكم من فين ؟ دول عربية .؟
هل اقدر اكمل ماستر ودكتوراه في القسم ؟
الاسئله في نهائي ( الفاينال ) من الدكتورات يعني مفصولين عن الاولاد ؟

الدكاتره يختلفون يعني تلقين العربيين وفيه باكستانيين او من الهند ..

الماستر والدكتوراه لتخصص الرعاية التنفسية غير متوفر في السعودية إنما بالخارج مثل كندا وامريكا ..

أسئلة الميد تيرم والفاينال تكون موحده للقسمين : قسم الطلاب والطالبات .. ومن دكتور واحد للماده ..

اقتباس:

وهل تعتمدوا على كتب في دراستكم او نوتات او تكتبوا معهم ولا كيف ؟
ولو لاسمح الله كنت حامله مادة اقدر احول وادخل القسم هذا؟

بعض المواد نعتمد عالكتب واخرى على نوتات واخرى نكتب السلايدات (عرض البوربوينت ) او نكتب مع الدكتور نفسه الاشياء اللي يكتبها عالبورد ..

عزيزتي ,, لو كنتي حاملة ماده في جامعتك وناويه تحولين لجامعة الملك فيصل بالدمام .. ماراح تقدرين لأن من شروط التحويل هو اتمام دراسة جميع مواد السنه الواحده في جامعتك من غير رسوب ..

لكن لو قصدك انك حملتي ماده بقسم الرعاية التنفسية يصير تتأخرين سنه وتعيدين توزيع ساعاتك بحيث تدرسين الماده المحموله بالسنه اللي بعدها ..

اقتباس:

اخر سؤال سمعت انو خريجين ذا القسم يتعينوا بمسمى فني صحيح ولا لا هل له مستقبل القسم؟وايهم افضل هو ولا العلاج الطبيعي من جميع النواحي

يتم تعيين اخصائي الرعاية التنفسية بمسمى فني وذلك فقط بالمستشفيات التي يتم تشغيلها ضمن انظمة ديوان الخدمة المدنية ... وذلك لعدة اسباب منها كلفة رواتب الاخصائيين على الديوان لو رفعوا لهم المسمى .. وان شاء الله سيتم رفع المسمى على السنوات القادمه كما ذكر الدكتور / غازي ..

عالعموم اختي التخصص مستقبله ممتاز والاقبال عليه شديد وهذا غير عن ان دراسته حلوه وممتعه جدا ..

وانتي على حسب ميولك تشوفين ايش الافضل هو ولا العلاج الطبيعي بالنسبه لك ..

اتمنى لك التوفيق ..