|
رد: حق الطالبة في الخروج من بوابة الكلية (من غير تصريح)
اقتباس:
المشاركة الأصلية كتبت بواسطة روَح ، طفـلـه]|
على اساس أن الجامعه موفره لنا الدكاتره السعوديين بكل الأقسام الي نفهمهم و يفهمونا !؟
على اساس أن الجامعه موفره لنا مظلات ومناظر تسر الناظرين بالساحات !!
على اساس أن الكافتيريا ما ينصبون عليك و يبيعون بطايق الشحن ام 10 بـ 15 ؟
على اساس أنك ما تدخلين بالبراد ريالين عشان تشترين شيبس أبو نص ريال !! هههههههههه
على اساس إنهم مو شغآليين نهب بهالعالم باللوآكر !!
على اساس إن الموآد ما تنحذف تلقائي و أمشيها واجي لجدولي بقسمي وأحصلهم مغيرين لي الدكاتره الي أنا مختارتهم و حاطين بدالهم معيدات !!
صبراً جميلاً والله المستعان .. :$
|
انا معك في اخر فقره فقط ..
اما الدكاتره الغير السعوديين هذا قسمكم اللي فيه المشكله فقط ..
والكافتيريا صح ينصبون بالبطايق لكن يمديك تحلين المشكلة هذي بنفسك ..انك تشترين لك بطايق خاصه بالجامعه متى مااحتجتيها استخدميها وخلي لهم الخساره هذا الكلام لك ولغيرك تنحل بسهوله ..
والمظلات كلها كم يوم ويضبطونها لهالدرجه مو قادرين تمشون تحت الشمس دقيقتين .. حطي الشيله على راسك ولا مظله ..حليها بنفسك لين مايضبط الوضع.. احنا مو قاعدين سنه كامله بدون مظلات عشان نسويها سالفه .. الحمدلله بيسوون مظلات افضل من الاولى وبتكون من وإلى الجامعه ..وينكم من اول ماتكلمتوا عن المسافه اللي من نهاية المظلات لين بوابة الجامعه ماكان فيها مظلات وينكم ؟؟ قولوا الحمدلله ..
اما اللواكر مافيها نهب ولاشي ادفعي ميه لسنه كامله شي حلو المشكله الوحيده اللي فيها انها بعيده بس..
اما البرادات عادي اذا دخلتي ريالين مو مشكله ابد ومايحتاج لها فتح موضوع ولا حل في كل مكان الاسعار مرتفعه ماجت الا على الشيبس لاتقولين هذا شي مايستاهل بريالين .. اساساً في البراد مافي شيبس بريالين
وعادي كلن يبي يكسب ..
احمدوا ربكم والله العظيم احنا في نعمه كبيره لكن مانحس فيها الا لمن نفقدها شوفوا الجامعات اللي بغير المملكه يدرسون بفلووووس وماعندهم مكافآت ولا ريال واحد يعطونهم حتى الباصات يدفعون لها ومع ذلك مايتذمرون ..
احنا كل شي موفر تدرسين مجان وتركبين باص مجان وعلى كذا مكافأه لك .. هذي نعمه ربي انعمها علينا لازم نشكر الله عليها ..ولاتنتظرون احد يوفر لكم سبل الراحه عيشي حياتك وخلي الناس في حالهم لانك جايه تدرسين مو جايه تشتكين من الشيبس ومن لوكر ..
بصراحه الانسان مايملى عينه شي .. اي شي حلو قدامه لازم يدور عيوبه..
يارب يبقى نظام التصريح ومايتغير .. وبإذن الواحد انه مايتغير
وشكراً
|