ملتقى طلاب وطالبات جامعة الملك فيصل,جامعة الدمام - عرض مشاركة واحدة

خوان دي ماركو · #1 2012- 9- 17

السلام عليكم ورحمه الله
أصدقائي واحبابي وفلذات أكبادي .. مساء / صباح الخير على الجميع
كيفكم جميعاَ ، اتمنى من الله التوفيق لجميع الدوافير والطلاب المجتهدين والمفهين مثلي
وأتمنى ان تقبلوني طالب جديد معكم وتذاكرون لي
بصراحه مابغيت أسجل بهالنظآم التعليمي عن بعد ، لني كنت محطم جداَ ولكن صار الي صار والشكوى على الله

عندي استفسارات بسيطة حتى يرتاح بالي واشد حيلي وابدا بدايه حقيقيه

أولاً : النت بطي مره ومخيس ، يعني لما أجي احمل المحاضرة ما تتحمل كامله ! عشر دقايق .. ولا خمس دقايق الي يظهر معي ، ولما أفتح المحاضره وابقى اتابعها يفصل على طول واضطر ارجع افتح من جديد .. سوالي هو : بالحاله هذي تنحسب لي درجه الحضور والمشاركة ! ولا لازم أحملها كاملة أو اتابع المحاضره كامله ..

ثانياَ : موعد نزول المحاضرات متى ! لني تفأجات اليوم بنزول محاضرتين جديدة بكل ماده .. وأحس مايمدي الحق اشوفها ولا أحل المناقشات ..

ثالثاَ : الواجبات وين القاهاَ ! .. والمحاضرات المباشرة كيف طريقتها وبلقها بالنظام الافتراضي مثل بقيت المحاضرات ..

رابعاَ : عطوني افكار وخطط لتنظيم وقت دراستي مع العلم أني عاطل بس ماعرفت أنظم وقت للدراسة

خامساَ : ايش افضل الاقسام الي اتخصص فيها برايكم .. مع العلم أني مفهي ولا اقدر افهم بسرعه يعني وش التخصص السهل الممتع المضمون مستقبلاً

سادساَ : كثرت عليكم استفسارات .. بالمره الجايه بكمل

وشكرا مقدما لكل من يتفاعل معي