|
رد: حق الطالبة في الخروج من بوابة الكلية (من غير تصريح)
يوم السبت اللي طاف جايه من 8 الصبح عشان عندي محاضرة الساعه 10
و للأسف المحاضرة طلعت ملغية !
اضطريت أجلس إلى 12 عشان أقدر أطلع ..
و أنا و أروح و أرجع مع سـواق خاص و ظروف دوام الوالد و أخوي ما تسمح لهم يطلعون
كل شوي عشان ياخذوني !
أي منطق يجبرني أجلس هالوقت كله عشان و الله يخافون ان [ بعض ] البنات
يطلعون مع شباب و من هَـ الكلام ؟؟
يعني البنت ما تقدر تجي عند باب الجامعه و تنزل من سيارة وتركب سيارة ثانية ؟
ما تقدر تقول لأهلها إن محاضراتها إلى 2 و بعدين تطلع ؟؟
لا تقولون الوقت ما يكفي من 12 إلى 2 .. لا يكفي يا ماما !
وبعدين أجل مفروض الأسواق يقفلون بواباتها و الحريم ما يطلعون من المجمع
الا بِـ إثبات إن اللي جاي ياخذها يا ولي أمرهُم يا السواق !
المفروض الباب يكون مفتوح ..
و إللي ما تبي تطلع تقدر تجلس إلى أن يُفك الحِصار و تتيسر بيتها ..
و اللي تبي تطلع الله يسهل دربها ..
مع إحترامي للجميع 
|