بسم الله الرحمن الرحيــم



اولا خلال مسيرتنا الاكاديمية نحتاج لرقمين فقط
1- الرقم الجامعي : هو نفسه اسم المستخدم اللي ارسلته لك الجامعة واللي يبدأ بـ 212
او 211 او 213 .. ويتكون من تسعة ارقام
2- الرقم السري : اللي ترسله الجامعة عادة ومكون من 6 أرقام لكن أعتقد هالسنة طرأتغيير وصار لازم احنا نستخرجه ، ادخلوا على هالرابط

http://www.kfu.edu.sa/ar/pages/newupdate.aspx
ثم اتبعو التعليمات بهذا الرد
http://www.ckfu.org/vb/7269030-post16.html

( وحددوا أماكن الإمتحان لأن الوقت بيخلص السبت )

(( وفي رقم ثالث اللي هو رقم البطاقة المدنية | الإقامة وهالرقم لازم نحفظه لان ايام الامتحان بنكتبه لما نجي نعبي البيانات ))

××××××××××××××××××××××××××
××××××××××××××××××××××××××


طيب اذا كنت تايه وتبي مكان موثوق عشان تحصل على اخبار الجامعة والجديد منهم
والمحاضرات والواجبات ووووووو..
أجل مالنا الا ( بوابة التعليم عن بعد ) اكتبوا كذا بجوجل في حال ضيعتوا الرابط

http://www.kfu.edu.sa/ar/Deans/elear...ages/main.aspx

هالبوابة جدا مهمة لكن أهم الاشياء اللي نحتاجها حاليا هي






طب نجي نشوف وش شغلة كل واحد منهم :

* نظام التعليم الافتراضي ، ونظام البلاك بورد
لا يوجد أي فرق بين عملهم وخياراتهم ..
اللي هنا نفسه هناك اللهم الفرق بالسرعة ، نظام البلاك بورد قديم وثقيل جدا أما الافتراضي جديد وسريع .
وكمان فيه فرق ما وضح للحين ألا وهو الواجب يعني الواجبات راح تنزل على واحد منهم فقط .

*أيقونة المحاضرات المباشرة :
واضح من إسمها لكنها وضعت بالواجهة ليسهل الوصول إلى المحاضرة من غير تضييع للوقت .

* أيقونة جدول الإختبارات .. واضح جدا .

* أيقونة التقويم :
وهي أهم الأيقونات منها تعرفون كل شي
وضرووووري ثم ضرووووري ثم ضرووووري تنسخون التقويم
وتحطون بالكم عليه واحتمال كبير التقويم يتغير من فترة لثانية فلازم نشيك .
التقويم فيه الاشيا المهمة مثل بداية الدراسة بداية الدفع بداية الامتحانات ... أما الواجبات ووقت المحاضرات وما إلى ذلك لاتذكر
( مثلا إذا قالت الجامعة ان اخر موعد لتسجيل المواد بالتاريخ الفلاني .. فلا تصدقوا وخلصوا اموركم قبله لأنه ممكن فجأة تلاقيه مسكر ومحد حولك .. إسأل مجرب )

* أيقونة أخبار وإعلانات :
من هنا نعرف المستجدات بالجامعة ونعرف وقت المحاضرات المباشرة وكمان اذا اتلغت محاضرة نعرفه من هنا ..

* أيقونة الخدمة الطلابية:
شااااملة ومهمه واحفظها بالمفضلة عندك .. من هناك تتم أهم العمليات الأكاديمة مثل الدفع وتحديد أماكن الامتحان والتأجيل خذوا لكم لفة فيها

( ما وفيت البوابة حقها وفيه نقاط يجهلونها حتى الطلبة القدامى إن شاء الله بشرحهم بموضوع لحاله )


×××××××××××××××××××××
×××××××××××××××××××××


خايفين على درجاتكم والمحاضرات لا تكون راحت عليكم ؟؟
أقول اررررررتاااااااااااحوا ..
ما عليكم إلا العافية مافي شي راح أصلا الحق عليهم لأن الأرقام ماانصرفت إلا قريب وكمان النظام يعلق معكم ..

طيب عشان تتطمنوا أكثر بوضح لكم توزيع الدرجات :
70 درجة على الإمتحان النهائي ...
30درجة مقسمة ما بين واجبات ومناقشات ..

الواجبات 3 واحيانا 4 وضروري نتأكد من الحل السليم .. نجتمع هنا بالمنتدى ونتعاون ..
اما المناقشات 14 بكل اسبوع وحدة اغلبنا مايدري وش السؤال بس ينسخ ويلصق
والبعض يهتم ويحل بنفسه لكن عموما هذه مجرد مناقشة وما نتحاسب اذا الجواب صح أم لأ "يقال أن فيه وقت محدد بعد الواجب والمناقشة وهو 4 اسابيع وبعد كذا لا يقبل اجابتك ولا تنرصد الدرجة فلا تضيعوا من يدكم هالدرجات "
درجة النجاح بالمواد عموما 60 .

·* بما يخص المحاضرات المباشرة .. زي ما قلت وقتها بينعرض بالإعلانات وأصلا بتلاقون المنتدى بدووشة منه
اذا ما لحقت على المباشر أجل ممكن نحضرها مسجلة بمجرد ما نفتح المحاضرة تنرصد لنا الدرجات .
· *المحاضرات المسجلة .. ضروووري نحضرهم ونفتح المحاضرات عشان تنرصد الدرجة .
· * وعشان ما نتوه ونلخبط نسوي لنا جدولين .. جدول للمناقشات والمحاضرات من14 خانة وجدول للواجبات والمباشر من 3 خانات .. ونعلم كل ما سوينا شي
· * بعض المواد يكون فيها أسئلة يطرحها الدكتور بعد كل محاضرة .. هالأسئلة لنا عشان نقيم الفهم والاستيعاب والدكاترة بيحلوها لنا ... وممكن نطرح الاسئلة هنا ونناقشها سوا ..

×××××××××××××××××××××××××
×××××××××××××××××××××××××


طيب بما أننا بتخصص يحتاج للفهم والمتابعة أول بأول وبعض المحاضرات ما نزلت
للحين أجل ادخلوا من هالرابط واحضروا المحاضرات ...
http://www.ckfu.org/vb/t283246.html
اتركوا القانون لان دكتوره تغير فما نعرف شي اما الادارة تأكدوا ان الدكتور هو الدوغان
والاقتصاد هو القحطاني .. باقي المواد نفس الدكاترة نفس المحتوى ..

( سالت الطلبه من مستويات متقدمة وساعدونا بأن ناخذ فكرة عن المواد .. ان شائ الله
أحطه بموضوع مستقل وشامل )
واللي وده يجتهد اكثر ممكن يحوس بالارشيف ترا فيه كنووووووز
ولا تنسوا تشيكوا على المواضيع المثبتة فيها أشياء متعوب عليها ...



××××××××××××××××××××
××××××××××××××××××××




ها وش كمان مدووخكم ؟؟؟