يدق الشوق في قلبي دفوف ، ، تهيأ للسفر وقت المصيف
تزايد بين الأضلاع الرجوف ، ، وانا من حر وجدي يالطيف
حياكم الله جميعاً
نرحب بالجميع ونستفيد من خبرتهم , وآرائهم كمتزوجين أو غير متزوجين
او مقبلين على القفص الذهبي واكيد في بالهم أحلام وافكار ودهم يطبقونها بعد الزواج
نريد من الجميع ان يدلي بدلوه ونسمع رأيه 
بدخل بالموضوع
تناقشت قبل فتره طويلة مع احد الاعضاء عن موضوع سفر الزوج بدون زوجته
(سفرة شبابية) للخارج بقصد - السياحه -
وكان هناك اختلاف في وجهات النظر اختلاف شديد نوعاً ما
المهم مشت السالفة وقبل فترة بسيطه تم فتح النقاش مره ثانية وصار فيه تشنج وتمسك شديد في الآراء كل واحد له رايه
ما راح اقول وش رايي انا بالموضوع وممكن يبين من الردود .
اللي حصل اتفقنا انا واياه ان واحد فينا يطرح الموضوع
ونأخذ رأي الاعضاء ونستفيد منهم
ودي آخذ رايكم في هذا الشي وشرايكم
هل الوضع عادي ان يسافر الزوج بدون زوجته وابناءة الى دولة خليجية او اوروبية او غيرها
النقاش لا يشمل الدول المشبوهه مثل (المغرب) وفئتها .
طيب انا بسأل ليه ؟
سواء كان الجواب بالقبول او الرفض .
يعني تقبل/ين فكرة السفر , طيب ليه القبول ؟
ما تخاف حدوث ما لا يحمد عقباه ؟؟
ترفض/ين فكرة السفر بعد بقول ليه ؟
ما فيه ثقه ؟؟
لو فرضنا انه متقدر ماديا انه يسافر ثلاث مرات بالسنه
سفرة العايلة كاملة 
وسفرة مع المدام 
وسفرة مع الشباب 
يعني ودنا نتجنب موضوع انه يسافر دايم , والعايلة ما تعدوا هاف مون او الثمامة بالويك اند 
,,,,,,,
وانت عزيزي الزوج وش شعورك اذا ربي رزقك بزوجة ناشبة نبي تروح معك كل مكان 
حتى سفرات العمل الخارجية وش رايك ؟؟
اتمنى منكم طرح آرائكم بكل شفافية وبدون تعصب ,
# طرح راقي ينبع من ثقافتكم العالية كما تعودنا منكم .
وراح نشوف وجهات النظر ونتناقش فيها
من دون من دون الخروج عن النص او عن مضمون الموضوع
---
ترى الموضوع مشتركين فيه مو انا لحالي اللي كاتبه