|
(¯`·._.·[ (اتنفس رغم هذا الضيق في صدر المدينه) ]·._.·´¯)
و... أتنفّس رغم هذا الضيق في صدر المدينة..
....................واتبسّم حتى لو ما به... عصافير وأغاني
وانتِ أنتِ .. مثل ما أنتِ.. ولكنّك حزينة
....................تربكين الدمع ويل الدمع من ضيق المحاني
صح أنا ما اخترت أكون إنسان يمكن تعشقينه
....................بس انا ما اخترت أكون إلا معاك انسان ثاني
كنت اقول البحر ما ينشد عن هموم السفينة
....................صرت أقول الحين دلّوني على وجه المواني
آه.. واللي خالق ٍ بي صوت يصعب تسمعينه
....................ما قطفتك (لحظةٍ حلوة) من أغصان الثواني
أشبه احساسي ولا أشبه هذاك اللي... تبينه
....................شاعر ٍ من ضعت عندك ضاع يوم إنه لقاني
أشبه اللي مرّ في صدري وانا مدري حنينه
....................مثل هذا الفرح.... هذا الجرح لا منّه بكاني
انسكب لك شي مثل الما ! يمكن تشربينه
....................وارتوي بك شعر.. مثل الشعر لا منّه.. دعاني
مثل هذا الحزن هذا الحزن لا مرّ بـسكينه
....................مثل هذا النور مثل شعور من يدّي .. خذاني
مثل هذا اللي يدوّر في يدينك.. عن يدينه
....................مثل هذا اللي يمرّ الحين كل اللي .. قراني
مثل هذا اللي يحث خطاه ما تلحق.. سنينه
....................مثل هذا اللي تشوفي كيف لو شفتيه جاني !؟
شاعرك لو ما تنفّس ضاق به صدر المدينة
....................شاعرك لو ما تبسّم.... كان ما رفّت أغاني
افتحي قلبك وشوفي وش ورا دمعات عينه
....................يمكن تحسيّن باللي ما قوى ... ينطق لساني
لا يمرّ الحزن مثل اللي يمرّ .. وفي يمينه
....................قلب ما تنبض سنينه مثل.. نبضات الأماني
من يقول الصبح هذا صبح ! واشياءه حزينه
....................من يقول الناس مثل الناس ما حس ّ بحناني
الحزن ما هو مثل ما أشعر واحسّك .. تشعرينه
....................الحزن لا جيت ادوّر لك وانا اجهل مكاني
منقول ..!!
التعديل الأخير تم بواسطة قنوع ; 2012- 9- 20 الساعة 10:10 PM
|