|
يحــــسبون البدر ..ضاوي وأهو من داخله ..معتوم ..~!
لا ياقلب لا تشره على الأيام يامصدوم
جروحك دايما وقتك ألا طابت يجددها
ألا ياقلب ذا همك يسبب غصة البلعوم
وأحس النار في جوفي ولا أدري كيف أخمدها
زمانك ماصفا لحظه وخلاك الدهر مهدوم
همومك من كثر ماهي تزايد ماتعددها
يحسبون البدر ضاوي وأهو من داخله معتوم
ومايدرون في بدرن على شمسه يسندها
أنا لي هاجسن كنه على نفسي يجي معزوم
معازيمن بلا دعوه ولا تقدر تطردها
يجيني دوم كل حزه يناشبني طوال اليوم
يفطن نفسي لهمي وأنا أحاول أركدها
وجودي وجد من أصبح كسيرن بالسجن محكوم
ديونه سبت عياله ولا يقدر يسددها
يلبسهم يعشيهم معيشهم على المقسوم
وحده وقته الأقشر على ديان عقدها
|