2012- 9- 22
|
 |
أكـاديـمـي مـشـارك
|
|
|
|
|
زعفران الحب ..!!
يا بنت صبي دلة اشواقك بفنجال الوداد
وحطي عليها زعفران الحب .. واسقيني غلا
اسقي عطش قلبي وصالك.. قبل يذبحني البعاد
قلبي من هموم الهجر والصد والبعد امتلا
صفحة حياتي ورّديها صرت ما اطيق السواد
اما كذا يا بنت ذوبيني غلا .. والا فلا
يا بنت صار الحزن يسكنّي .. وصار الهم زاد
اما ابتلاني الحزن .. والا صار فيـّه مبتلا
الحزن يسكني بلاد وكن ما غيري بلاد
اطلبْه يتركني ويرحل .. كني آقله هلا
يا وقت ليه تحطم اعصابي ..وانا ماني جماد
يا وقت .. ليه تبيّْح اسراري على روس الملا
ياوقت حاولت استميلك .. كني انفخ في رماد
حتى الحلا يا وقت - من سبّتك - ما اذوقه حلا
اتعبتني يا وقت .. واتعبت الدفاتر والمداد
لا الحبر نسّاني الهموم ..ولا القصيد .. وْلا ولا
علمت قلبي من خطايه يستفيد .. ولا استفاد
والحمل زاد .. وقلبي المسكين وش يتحملا
السالفه طالت .. وانا خرمان دله – والمراد -
قومي وصبي دلة الاشواق .. واسقيني غلا
.
.
.
(منقول)
|