ملتقى طلاب وطالبات جامعة الملك فيصل,جامعة الدمام - عرض مشاركة واحدة - طريقة النسخ والصق في البلاك بورد للمناقشات ,, سهله

فأل الخير · 2012- 9- 22

اقتباس:

المشاركة الأصلية كتبت بواسطة سلطان ف

هذي هي الغرض من تعطيلها علشان تسوي الطريقة هذي وتنسخ على راحتك،،

اجتهدوا الله يصلحكم

أمس ما قدرت أطبق اختراعاتنا في فايرفوكس

فطمرت لم (أوبي) ونسخت ولصقت بكل سهولة >> ما جاء الدلع لأوبي إلا هالحين

المفروض مادام إن الوضع غير مُريح بالنسبة لنا ولهم ، إنهم يشوفون طريقة أخرى للحصول على هالثلاثين درجة بشكل سهل ومُرضي لكلا الطرفين.. صح وإلا لا ؟؟

خاصة إن أغلب الشعب ــ وأنا أوّلهم ــ ننسخ ونلصق بسبب ضيق الوقت وارتباطنا بمصالح ٍ أخرى..

والأغلبية ماراح ينسخ ويلصق اعتباطاً.. لا.. أغلبنا يبحث عن الحل الصحيح قبل ينسخ..

يعني في الأول والأخير اجتهدنا في البحث بحسب الإمكانيات المتاحة لنا >> أقصد إمكانيات الوقت..

أمس ضاع أكثر وقتي وأنا أختار بين الإجابات أيها أقرب للجواب اللي أبغاه..

هذا غير تعديلي لبعض الأخطاء الإملائية فيها وتنسيقها بالشكل اللي يعجبني.. وفوق كذا يعطلون خاصية النسخ واللصق

أنا أتمنى إنهم يغيّرون نظام المناقشة إلى نظام أسئلة اختيارية وصح وخطأ..

وتتصحح تلقائياً من النظام نفسه.. وما يهم سواءً كنا حليناه من أنفسنا أو بمساعدة خارجية..

المهم إنها أسئلة تبغا إجابة وحنا جاوبنا عليها.. وفي النهاية راح يظهر الفاهم من غير الفاهم في الاختبار النهائي .. صح وإلا لا ؟؟

معليش أخ سلطان طلعت حرّتي بموضوعك