ملتقى طلاب وطالبات جامعة الملك فيصل,جامعة الدمام - عرض مشاركة واحدة

عبير السعادة1 · #1 2012- 9- 24

السلام عليكم ورحمة الله
اخواني وأخواتي الأعضاء

طبعا بتستغربون من العنوان لكن أنا حبيت أطرح هالموضوع لأني قاعدة أتعب فيه شخصيا

كثير يكون تساؤلات من الطالبات أو الطلاب المستجدات عن بعض الأنظمة أو أسئلة عن محتويات
المنهج بصورة عامة أو خاصه

ومن الطبيعي ان الطلاب/الطالبات اللي لهم فوق السنة بالكلية يردون عليهم ويجاوبون على طرحهم
فينفتح موضوع نناقش فيه كل جوانب الشي وكل واحد يطرح اللي عنده ونطلع بخلاصه

نجي للنقطة المهمة .. وأنا وحدة لربما وقعت فيها بس يوم حسيت بالتعب صرت أتلافاها

النقطة تكمن في عنوان الموضوع المراد السؤال عنه
يعني شخص (طالب/ة) يسألون عن شي
الموضوع / شيء مهم جدا جدا
الموضوع / ضروري
الموضوع / ...الخ

فكل الأعضاء يمرون عشان يعرفون شالموضوع واذا ما قدروا طلعوا .. فكاتب الموضوع يزعل ..
يمرون أعضاء آخرين يعرفون فيكتبون الجواب بالتفصيل الممل اللي يرضي السائل

نجي للمهم .. المواضيع اللي تنطرح في أمثلة العناوين اللي أنا كاتبتها تتكرر
ويصير الأعضاء يمرون ويمكن يكونون نفسهم اللي جاوبوا على نفس الاستفسار قبل
فيتعيجزون يكتبون مرة ثانية رغم ان كاتب الموضوع المفروض يكون على اطلاع على المواضيع السابقة

ونجي نبي نعطيهم الرابط نقعد سنة ندور بين ضروري ومهم واستفسار ...الخ

فهل تؤيدوني بوجهة نظري ونحاول نكتب عناوين توضح المحتوى ؟؟

عذرا للإطالة
وجهة نظر فقط

ودي
عبير