ملتقى طلاب وطالبات جامعة الملك فيصل,جامعة الدمام - عرض مشاركة واحدة

كاتـم الأسـرار · 2012- 9- 24

اقتباس:

المشاركة الأصلية كتبت بواسطة اموشى

شكراا
شرح الدكتور سريع فى القسمه مافهمت الخطوات
اشرحو ليه على مثال بالتفصيل

طيب أنا عندي مشكلة في كتابة المعادلة بصورها مع الخطوط بالألوان للتوضيح

زي ماتشوفين طبعا اللي بالأحمر فوق ماعليك منه هذا تبع السؤال

لكن اللي تحته هو الناتج
كيف طلعناه؟؟
خلينا مع اللون الخفاق الأخضر <----- متحمس مع اليوم الوطني
عندنا اللي على اليسار هو اللي راح نقسمة ونضربه ونطرحه مع اللي تحت الخط في القسمة المطوله
2 إكس تربيع تقسيم إكس
حطيهم تحت بعض في ورقة عندك وإقسمي القمسة العاديه راح يطلع الثنين فوق بالإشاره الموجبه لإن إشارة الإكس وإشارته متشابهين وبعد كذا نجي للإكس بعد الثنين طبعاً الإكس غير متشابه مع الإكس تربيع وبالتالي ماراح يروحون مع بعض في القمه اللي كتبتيها وراح ننقص الأسس بهذا الطريقه 2 - 1 يساوي 1 يعني إكس واحد
هنا ناخذ الإكس ونطلعه فوق جنب ال2
خلصنا الخطوه الأولى

الخطوه الثانيه نضرب
الثنين إكس الناتج نضربها في اللي موجود على اليسار اللي هو الإكس
بطبيعة الحال راح يكون 2 إكس تربيع مره ثانيه وبالموجب لا تلخبطين مع إشارتي جايك بالطريق
طيب وبضرب الثنين إكس في الناقص 5 واي!! كم بتصير؟
راح تكون ناقص 10 إكس واي لإن بالضرب نقدر نجمع الحروف عادي مهوب مثل الزائد مستحيل
طيب نجي للخطوه الأخيره

الخطوه الثالثة
نطرح وعملية الطرح هي بكل بساطه تغيير إشارات عمليات الضرب اللي طلعت معانا وبكذا صارت ال 2 إكس تربيع سالب وال 10 إكس واي صارت موجب
وراح ال2 إكس تربيع مع خويه اللي فوقه واللي جنبه لو متشابه راح يكون صفر بعد
بعدين نزلنا الناتج حق الإكس واي تحت وكتب الناقص 5 واي تربيع جنبه ونبدء مره ثانيه بنفس الخطوات

ولا حظي في الخطوه الثانيه عندنا فوق خذينا الواي بس طبعاً معروف ليش
كاتب على جنب قسمة الإكس واي مع الإكس
راحو الإكسين في القسمة وبقى الواي بالموجب وكملي

قسمة ضرب طرح
حليها وشوفي مفهوم أو لا
وإذا غير مفهوم عندي طريقة ثانيه