مع احترامي لهذا الشخص ,, ودي اقوله مع نفسك .
لان اصلا كلامه متناقض وبقوه بعد ,, مره يقول نبهنا ومره يقول من غير ما ننبه .. هذا ممنوع ,,
أطلع من خشمي بسس .
الشيء الثاني على ايش ممنوع ؟؟ ,, مو الحين النسخ واللصق شغال على مستوى اللي بيحضرون ماجستير ودكتوراه بعد ,, اغلب الرسائل والدراسات اللي قدموها نسخ ولصق من قوقل وغيرها من المصادر ,,
اخيرا ,, الجامعه حطت مشاركات حتى ما يبقى عليها مأخذ ويجي احد مثلا يحتج على تدني مستواه التحصيلي ,, ببقولون عطيناكم وسائل تحصيل متعدده كالواجبات والمحاضرات والمناقشات والباقي عليك ,, كون ان واحد اساء استخدام الوسائل هذا ذنبه على جنبه ,,
واتمنى انكم ماتاخذون وتعطون في هالموضوع لأن اللي قبلنا ممشين امورهم بدون شوشره وحنا كل فتره نضيق على انفسنا الخناق باسئله مالها داعي ,, وكاننا في الابتدائيه ...
والدليل على هذا منذ افتتاح برنامج الانتساب المطور الى قبل هذا المستوى والطلاب ماشيه امورهم , وما بدا يقفلون النسخ واللصق الا هذا المستوى !!!
طالما ان الجامعة ما صرحت باي شيء بخصوص هالموضوع فخليكم على شغلكم ,, رجاء لا تبحثون عن نصاب السكين.
النظام في الجامعه يقولكم شاركوا وحلوا الواجبات وشاهدوا المحاضرات , ولم يتطرقوا الى الكيفية ولا الى المدة ولا اي شي , ويجي ناس الله يصلحهم يسالون اسئله توقعهم في ورطه , انسخ والصق والا اكتب ؟؟!! كم ثانيه اشوف المحاضره ؟؟!! احل الواجب من المنتدى والا افكر ؟؟!! ... الخ !!!!!
ولا تستبعدون فالمستويات الجايه تسير الامور اصعب في الواجبات والمحاضرات ,, بس خليكم على اسئلتكم ..!!
وبكذا سوينا مثل بني اسرائيل والبقره !!