2012- 9- 26
|
#1207
|
|
مميزة مستوى 7 E
|
رد: موقادره افهم الماده
الماده مهي مستاهله انا شخصيا اشوف انها اسهل بكثير من النحو ومبادئ الإداره
ولاتقولين الدكتور كذا او كذا
انتي اذا حطيتي انطباع سابق عندك عن دكتور الماده صدقينن
بتكرهين الماده وبتنسد نفسك كل ماجيتي بتذاكرينها
كل دكاترتنا متعاونين وممتازين ربي يجزاهم خير
بالنسبه للماده ،،
اي شخص عنده خلفيه بالحاسب تكون سهله عليه
اذا حسيتي ان مخك مهو مستوعب هالماده
تعوذي من ابليس وجيبي لك كوب شاهي طول برج الفيصليه وسمي بالله
وامسكي لابتوبك والمحتوى بيدك
طبقي ودققي واربطي بين المعلومات والجهاز وتخيلي اي شي ماتفهمينه
مثلا الذاكره ال rom وهي ذاكرة قراءه فقط تحفظ البيانات اللي يحتاجه الجهاز لبدء التشغيل مثل معلومات عن وحدات الاخراج والادخال المتصله بالجهاز وماتفقد ملعوماتها عند ايقاف التشغيل او انقطاع الكهرب 
مثال وحدات الادخال الماوس مثلا
ووحدات الاخراج انتي شابكه السماعات
واول ماتشبكينهم بجهازك يجيك مربع حوار يقولك تم ايصال برنامج كذا او معلومات الجهاز المتصل حاليا وو
هذا كله يتخزن بال rom
وحتى لو طفيتي لابتوبك الذاكره هذي محتفظه بهالمعلومات بحيث لو جيتي وشغلتيه مره ثانيه وانتي مابعد فصلتي السماعات والفأره
خلاص تشتغلين فيهم ع طول مايحتاج تفصلينهم وتشبكينهم من جديد بجهازك
ووحدات الادخال ماديه ملموسه تتصل بالجهاز مثل الفاره ولوحة المفاتيح ووو
ووحدات الاخراج شاشة العرض والطابعه والسماعات
وبتقولين الحين السماعات وشاشة العرض والطابعه كلهم ماديات ويتصلون بالجهاز ليه مايكونون وحدات ادخال مو اخراج؟؟
اقولك الفرق هو السماعات والطابعه وشاشة العرض يخرجون لك مابداخل الجهاز
مثلا مشغله قرآن بلابتوبي والسماعات اخرجت الصوت لي
او فاتحه ملف وورد وطبعته الطابعه اخرجت المحتوى لي
عشان كذا صارت وحدات اخراج
،
،
هذي طريقتي بالفهم لهالماده ادري توجع التسبد والله ومضحكه  لكن حاولت اوصلك طريقتي يمكن تفيدك
ومابيك تشيلين هم الماده وهي اشوفها اسهل من البقيه
عيبها كثرة المعلومات وحاجتها للحفظ الصم اولا واخيرا
والله يوفقك ويسهل دروبك
وتذكري دائما اذا حسيتي ان استصعب عليك الامر او صدعتي وضاق صدرك
استغفري 70 أو مية مره
وخلي عندك مصحفك اقرأي وجه او نصف وجه
وكملي قراءه للماده
وبتسهل عليك ان شاء الله 
|
|
|
|
|
|