عليكم السلام ورحمة الله وبركاته
حياك الله اخوي
اول شي مافيه شي صعب عند رب العالمين ، واللي بيجتهد بيلاقي ثمرة جهده
يعني لا تحط ببالك هذا صعب وهذا سهل وتسمع كلام الناس
انت شف وش ميولك وش تحب تدرس واللي تحبه صدقتني بتبدع فيه
بالنسبه للغه العربيه فـ طبيعة الحال الوظيفه الممكن تلاقيها هي "مدرس" وماهو كل من تخرج قدر يصير مدرس ، لكن لكل مجتهد نصيب ، اذا كنت تحب النحو والأدب وأمور اللغه العربيه فأكيد راح ترتاح فالتخصص
اما إدارة الأعمال تعتمد نوعاً ما على الخيال الواسع وعلى امور الشركات والبنوك وغيرها ، غالباً تكون مقرراتها عن أشياء انت عشتها أو راح تعيشها ان شاء الله بالمستقبل ، التخصص يعتمد على الفهم والحفظ ، فيه اشياء فهم وفيه اشياء حفظ ، والتوظيف فيها متيسر لناس وغير متيسر لناس ثانيه مثله مثل اللغه العربيه
الأهم في كل التخصصين هو المعدل ، كل ما ارتفع معدلك كل ما تلقى فرص وظيفيه أكثر
وبالنهايه ربي يوفقك ويسهل دربك