ملتقى طلاب وطالبات جامعة الملك فيصل,جامعة الدمام - عرض مشاركة واحدة

منو الدوسري · #1 2012- 9- 29

{..ودي اسكن فـ ديرة مابها ناس..

واعيش لو لحظه بلا هم واحزان..

ما تنزل دموعي ولا احس باحساس..

ولا ينشغل بالي على اي انسان..

ترتاح روحي كل ما هب نسناس..

ويميل قلبي كل ما مالت اغصان..

اشوف سطح الماء مثل لمعة ألماس..

واسمع صدى صوتي ترانيم والحان..

ما شي يقيدني ولا فيه حراس..

ما فيه صد وما به احساس هجران..

ما فيه فقر ولا غنى وما بها افلاس..

ما فيه كذب و زيف ما فيه نكران..

ياليتني ألبس من الوحده لباس..

واعيش هاللحظات فترات وازمان..

امشي شموخ بخطوتي وارفع الراس..

سقفي سما وارضي من البوح بستان..

تبي الصراحه، داخل القلب هوجاس..

مقدر اعيش بدون همي والاحزان..

جنة بدون الناس وشلون تنداس..

وديرة بدون انسان ماتقبل انسان..}