|
رد: <<~~في نظرتي رحله لـ عالم البراءه (طفلهـ وماتشبهني إلا الاماكن )هدوء طبعي امتزج معه الجراءه~~>>
اللي دفع عمره على شان غاليه
...................... وباع العرب لعيون سيد الحبايب ..!
وش حيلته لا سمّر الوقت رجليه
.................... وأزرى يشد خطاه من شان غايب ..!
يكتب من الآلآمه ويدّمي محانيه
...................... ويرسم على كفه قبور ونصايب ..!
حاير من أوهامه وزحمة أمانيه
.................... وذابل من أوجاع الزمن والنوايب ..!
ومن كثر ماسجل من الحزن بيديه
................. أضحى خفوقه من لظى الوقت ذايب ..!
اللي خذاه من أول العمر يكفيه
.......................... من كيد عذاله وظلم القرايب ..!
دامه بقايا إنسان وش حصلوا فيه
.................... غير التعب وجروح قلب ٍعطايب ..!
ودامه بقايا روح والليل يعطيه
.................. من جملّة أوجاعه طعون و مصايب ..!
الله على دمعه وحزن ٍ يعانيه
..................... والله على حلم ٍ من الوقت خايب ..!
|