|
[متجدد] كل شي يخص الايباد والايفون و يمقن جلكسي .. ↻
هلا وغلا كيفكم ..
بما انو كثيير ناس تسال عن كيف اشوف المحاضرات على الايباد ولا ايفوون حبيت انزل ذا الموضوع
اللي يخص كل شي عن الايباد مثل
1) كيف تحميل السلايدات في الايباد ..
2) كيف تشوف المحاضره المسجله ..
3) كيف تشوف المحاضره المباشره ..
4) كيف تفتح البلاك بورد من اليباد ..
اول شي راح انزل صوره بالبرامج اللي المفروض تكون عندك بالايباد << ناظر المرفق  ..
__________________________________________________ ___________
المهم الحين نتكلم عن البرامج واحد واحد ..
برنامج الـtegrity هذا البرنامج لو حملته بالايباد راح تطلع معك صفحه بيضا ومكتوب فيها ادخل الكود ..
هذا الكود من وين تجيبه :
1) ادخل البلاك بورد من اللاب
2) ادخل اي مقرر
3) ادخل على المحاضرات المسجله
4) راح يجيك مربع بالانجليزي ادخله
5) جنب اسمك مكتوب كلمه (Settings ) ادخلها
6) راح تلاقي مربع مكتوب فيه (generate code) اضغط عليه يطلع لك رقم هذا هو اللي تكتبه في برنامج الـtegrity اللي باليباد ..
وبكذا راح تدخل على المحاضرات المسجله حلوو ..
__________________________________________________ _____________
البرنامج اللي بعده هو برنامج لمشاهدة المحاضرات المباشره ..
وهو ( blackboard collaborate )
وهذا استخدامه سهل مجرد انو تحمله باليباد وتكون عندك محاضره مباشره كيف تفتحه ..
هو طبعا اول ماتفتحه راح يطلب منك الكود والنيم ماعليك منه ..
اذا كانت عندك محاضره مباشره ادخل على البلاك بورد من الايباد ودخل على المقرر اللي عنده محاضره مباشره بالوقت المحدد وادخل على الفصول الافتراضيه راح ينقلك الايباد دايركت للبرنامج ..
وبس 
هذولي بخصوص المحاضرات المسجله والمباشه ..
بس تراي ماافتي واقول انو تحسب الدرجات من الايباد مدري وربييييي ..
وللي عارف ياريت يفيدنا 
__________________________________________________ ________________
طيب نكمل 
البرنامج الرئيس وهو الـ( blackboard )
اول ماتحمله يجيك مستطيل يطلب منك اسم مدرستك
انت اكنب ( university of dammam ) ..
وكذا راح يطلب منك انو تكتب اسمك وهو الرقم الجامعي واليوزر ..
وتدخل عادي تحل المناقشات والمنتديات وتشوف التقديرات ... الخ
وبس
__________________________________________________ ________________
الحين كيف تحملين السلايدات في الايباد ..
لابد تحمل برنامج الـ (ibooks) << لصيغة الـPDF
وبرنامج الـ( ifile ) << للصيغات الاخر وهذا يحملونه من السيديا اما باقي البرامج موجوده في الاب ستوور..
المهم اذا حاب تحمل اي سلايد تدخل على برنامج الـ blackboard اللي محمله في الايباد
وتدخل على مقرر اي ماده وتدخل على المحتوى وبعد كذا راح تشوفهم بصيغة الـ PDF
تضغط عليها وعلى طوول راح تتحمل في الـibooks
وبسس ..
تعبت وربي اتمنى انو يكون فيه فايده لكم ..
وبرضو باكد على انو ماعدي اي خلفيه اذا عليهم درجات المحاضرات من الايباد اولا ..
وعلى فككره ترا الفيسات الجديده مهب حلووه
انا احب الفيس اللي معصب وينقز تبا
الافادة اكثر عن هذا موضوع يوجد هونا في هذا رابط
http://www.ckfu.org/vb/t368707.html
التعديل الأخير تم بواسطة how are you ; 2012- 10- 5 الساعة 10:48 AM
|