|
رد: قروب بنات [ المكتبــــات ] 2011
السلام عليكم والرحمة ..
بنات ، الواجب مررره سههل !
اول شي / نختار الكتاب ونفتح صفحة البيانات اللي ناخذ منها معلومات بطاقة الفهرسة ، ويكون معنا كتاب المنهج حق الفهرسة الكبير حتى نطبق عليه ، ونرسم جدول ونكتب
داخله( رقم الحقل / المؤشر 1 / المؤشر 2 / الحقول الفرعية )
نكتب في رقم الحقل 020~> اللي هو الترقيم الدولي الموحد للكتاب طبعا رمزه ( ردمك والرقم جمبه )
في حقل المؤشر الاول/ نفتح رقم 020 بالكتاب الكبير ،المؤشرات فيه غير معروفه يعني هذي العلامة # تكتبينها في المؤشر الاول والثاني .. وحقل المؤشر الاول والثاني يختلف احيانا يكون هذي العلامة # او رقم حسب ماهو مكتوب
حقل ( الحقول الفرعية ) لازم يبدأ بعلامة الدولار $ بس الحرف اللي جمبه يختلف يعني $a > الرقم موجود ومكتوب عندك ( صحيح ) $z ملغي او غير صحيح حسب ماهو مكتوب وتكتبين الترقيم الدولي الموحد للكتاب بعد هذي العلامة $a وبينهم مسافة
وبس تكملين باقي الحقول على هالطريقة ..
( اغلب المعلومات اللي بتاخذونها من الكتاب / الترقيم الدولي ، رقم التصنيف(ديوي العشري او متبة الكونجرس) ، رقم الإيداع القانوني ، اسم المؤلف بس )
واللي اختارت مجلة ترا اسهل من الكتاب تكتبين حقلين بس اللي هو الترقيم الدولي الموحد للدوريات ورقم الايداع القانوني اذا كان موجود احيانا مافيه ..
اتمنى فهمتوا على شرحي ..
واطمنكم ان هي قالت ماراح يكون عليه درجة بس حبت ان نطبق وهي بتستلمه حتى لو غلط اهم شي انك طبقتي ..
بالتووووفيق يااارب .. 
|