مـا للسهــر ذمــة ولا للمســا .. حــال
سـرى الفكر هاجوس وأسـرج خيـوله
لا عـزت النــومه وبـال السهــر طــال
بالله .. مـري يالدقــــايق عجـــــــولـه
مـاكل مـا يطـري على البــال ينقــــال
ولا كـل شــي .. لا بغينـــا .. نقـــوله
مــرات في صمتـك تهــاون واهمـــال
ومـرات صمتـك فيـه عـــز ورجـــوله
يافاتنـه ..ياناعسـه ..يا اســـم فعــال
غـير حيـاتي .. بانتمــاه .. واصـوله
منتي أمل .. لـو كـثروا انتـي أمــــال
علقتهـــا بيـــد الزمـــان .. وقبـــوله
أنتي تجـين بظـرف لحظـة على جـال
فــكـري .. وتبغـين دور البطــــــولـه
مـاللفــكر منه على كــل الاحـــــــوال
الفضـل فضـلك واغفـري له فضـولـه
الله لا جيتـي بالانفــــاس مـــــــــوال
شـق الصــدا قلــب المكـان وخمـوله
والله لا جيتــــي للأفكـــار مـرســـال
عــز الكــــلام اللــي يقــال ورسـوله
حـلوة نعيــش الحـب بقلوب الاطفال
واحـلى لـو ان العمـــر كلـه طفــوله