السلام عليكم ورحمة الله وبركاته
أعجبني الموضوع وحبيت أشارك
الأحد 21/10/2007
صحيت الساعة ست تجهزت، جاء الباص الساعة 7:10
وصلت الجامعة الساعة7:40
قعدت في مجمع المطاعم نص ساعة آنه ورفيجاتي بعدها رحنا المكتبة قعدنا نحل واجباتنا هناك<<<<< شطار عفية علينا عندنا اسبوع مافكرنا نحلهم فيه
الساعة9:10 جاءت دخلت وحدة ((كانت)) صديقتي في ثانوي وكانت ماسكة ولد من يده(( جامعتنا مختلطة))!!
وكانوا يضحكون ومدري شلون يسوون حركات
قعدوا بوجهنا
احنا انصدمنا طبعًا لأن ماتوقعناها ((تنحط)) لهذا المستوى
وأكثر مايقهر بالموضوع انه أحلى منها ب35 مرة((حسره على قلوبنا))
الساعة10:00 كان عندي محاضرة إسلاميات وكان الموضوع عن السنة وكيف انها مصدر التشريع وسبحان الله بقدرة قادر تحول الدرس إلى الكلام عن الجن والسحر والشعوذة
وكل ذلك بفضل زميلنا العزيز ((أحمد)) اللي فتح لنا باب شكبره
الساعة11:00 طلعنا نتريق آنه والبنات وقعدنا نكمل واجباتنا لين الساعة وحدة ونتناقش بأزمة الشرق الأوسط (( وحدة من الربع بتتزوج واحد من الزملاء، والكل يتكلم عن هالسالفة، وش بنلبس.. في وين بنحط ميك أب.. شنو بنشتريلهم هدية.. الخ))
الساعة1:00 ابتدأت محاضرة الإذاعة وكان طالب جديد توه أول يوم يداوم<<<صح النوم
وطبعا الدكتور ((مريووم.. بعد المحاضرة تجلسي معاه وتفطنيه عن كل حاجه فاتتو.. أصل الواد ده متأخر أوي أوي..))
الساعة4:40 انتهت المحاضرة وأخيرا.. وجلست مع الولد أفهمه ولو تدرون شصار؟؟!!
الولد يستحي ويكلمني بصوت خافت وهو يطالع في الأرض وآنه أشرح له وأقول له ارفع صوتك شوي.. وأخز فيه وهو مستحي مني!!
آخر زمن الولد يخجل من البنت
انقلبت الآيه
الساعة5:10 وصلت البيت
وها أناذا ع النت أكتب يومياتي
C Ya
Marioom