|
رد: مناقشه الررررررررررررررررياضيات ال4 الحقو جبتهاآآ
مرررراحب ياحلوين
انا الحمدالله حضرت المحاضره الرابعه والدرس سهل
المسالة الاولى
طلب منا ان نجيب كمية وسعر التوازن
ومعطينا دالة الطلب والعرض
وعند التوازن دالة الطلب = دالة العرض
يعني لازم نساوي الدالتين ببعض عشان يصير توازن
305-4x=3x+60
الحين نحط المجاهيل بطرف يعني الاكسات والمقادير يعني الارقام مع بعض بطرف اخر
يعني يصبح عندنا
3x +4x =305-60
245= 7x
الحين نبي نطلع الاكس نروح نقسم السبعه على الطرفين
يصبح عندنا
وحده x=35 حطنل وحده لانها كمية
لان السبعه راحت مع السبعه وقسمنا 245 على 7 طلع 35
طلعنا كمية التوازن نبي نطلع سعر التوازن نطلعه من خلال التعويض يعني ناخذ احد الدالتين يا دالة الطلب او العرض ونعوض عن الاكس بقيمتها فيطلع سعر التوازن
مثلا ناخذ داله الطلب اللي هي
p=305-4x
p=305-4(35
P=305-140
P=165 ريال وحطنا ريال لانه سعر
ولو جربتوا تعوضوا عن الاكس بالدالة الثانية بيطلع نفس الناتج
نجي نحل المسالة الثانية
اول شيء بقولكم على قوانين اذا حفظتوها زي اساميكم بتحلوا بسرعه
1) الايراد الكلي = سعر البيع في عدد الوحدات
2) التكاليف الكلية = التكاليف المتغيره + التكاليف الثابته
3) التكاليف المتغيره = التكلفة المتغيره للوحده في عدد الوحدات
4) الربح الكلي = الايراد الكلي - التكاليف الكلية
5) عند التعادل الربح الكلي = صفر
قبل مانبدا نحل مع بعض لازم تحفظوها
الحين معطينا بالمسالة التكلفة المتغيرة للوحده = 8 ريال
والتكلفة الثابتة= 98000 ريال
سعر بيع الوحده -= 15 ريال
وطلب منا عدد الوحدات الذي يحقق التعادل
وقلنا فوق ان عند التعادل الربح الكلي = صفر يعني نساوي الربح بالصفر
طيب ماعندنا الربح الكلي نروح نطلعه من القانون حق الربح الكلي اللي هو الربح الكلي = الايراد الكلي - التكاليف الكلية
طيب بالسؤال ماهو معطينا لا الايراد ولا الربح نروح نطلعهم من القانون حق الايراد وحق الربح
اول شيء نطلع حق الايراد الكلي =سعر البيع *عدد الوحدات
وهو معطينا سعر البيع في السؤال اللي هو 15 ريال والوحدات دايم نعبر عنها ب علامةX
اذا يصير الايراد الكلي = 15 X وحطيت X لان عدد الوحدات نعبر عنه ب X
خلاص طلعنا الايراد الكلي
نجي نطلع التكاليف الكلية من خلال قانونها اللي هو
التكاليف الكلية = التكايف المتغيره + التكايف الثابته
هو معطيني الثابته بس اللي مو عندي التكاليف المتغيره معطيني التكلفة المتغير للوحده
اذا نطلع التكاليف المتغيره من قانونها اللي هو
التكاليف المتغيره = التكلفه المتغيره للوحده في عدد الوحدات
اذا التكاليف المتغيره = 8 X وبرضوا حطينا هنا اكس عشان السبب الي قلته فوق
وانتبهوا بالنقطه هذي لازم تفرقوا بين التكاليف المتغيره والتكلفة المتغيره
الحين نجي نعوض بقانون التكاليف الكلية
التكاليف الكلية = التكاليف المتغيره + التكاليف الثابته
التكاليف الكلية = 8X + 98000
خلاص طلعنا الايراد الكلي والتكايف الكلية
الحين نطلع الربح الكلي
الربح الكلي = الايراد الكلي - التكاليف الكلية
الربح الكلي
( 98000+ اكس 8 ) -15X= هنا ضروري نحط الرقم بين قوسن
98000 -اكس 8 - 15X= سوري هنا كتبت الاكس بهالشكل لان مو راضي ينكتب الاكس معي
7X-98000 = هنا طرحت 15 اكس من 8 اكس وثمانية وتسعين الف نزلتها مثل ماهي
اذا الربح الكلي = 7X-98000
ومثل ماقلت طلب من عدد وحدات التعادل وعند التعادل الربح يساوي صفر نساوي الربح بالصفر
اذا الربح الكلي = صفر
7X-980000 = صفر
7X=98000 هنا ننقلنا 98000 الطرف الاخر عشان نطلع الناتج وتعيرت الاشارت فاصبحت موجبه
X =14000 هنا فسمنا على 7 عشان نطلع الاكس
اذا عدد الوحدات الذي يحقق التعادل = 14000 وحده
- الفقره الثانية طالبين عدد الوحدات الذي يحقق ربح قدره 35000
بالفقره الاول طلب عند التعادل لذا ساينا الربح بصفر اما هنا طلب بدل التعادل يبي ربح مقداره 35000 يعني نحط بدل الصفر 35000
اذا تصير معنا
7X-98000=35000
نحطالاكس بطرف والارقام بطرف اخر
يصبح عندنا
7X=35000+98000 هنا لان نقلنا 98000 لطرف ثاني تغيرت الاشاره
7X=133000 هنا جمعنا 35000 مغ 98000
X=19000 لان قسمنا السبعه على 133000 عشان نطلع X
اذا عدد الوحدات الذي يحقق ربح مقداره 35000 هو 19000 وحده
لها انتهى الشرح اتمنى انكم فهمتوا على شرحي هو صدق بتشوفوا الشرح طويل ومعقد بس لما تفهموا المساله والاهم تحفظوا القوانين بتصير سهله عندكم
وبالاخير حابه انوه ترى هذي المساله ماخذينها في الرياضيات مو ملخبط الدكتور انا نفسي استمعت للشرح وقال نحن ناخذ تطبيقات تجاريه لان الرياضيات يدخل في كل التطبيقات
امممممم وش ثاني ايو لا تبون اشرح لكم اي نقطه في المساله او في المحاضرات السابقه لاتتردوا وانا ان شاء الله مابقصر معكم
في رعاية الله
|