|
البحث في الفلكر عن انواع الكميرات ومشاهدة نتائجها ومعرفة بعض خصائص وإعدادات الصورة <<< ولكموا يا محترفين
السلام عليكم ورحمة الله وبركاته
بما ان الوضع سعة ومابعد جت صعفقة المذاكر والأمتحانات وفاضي ذا اليومين >>> أخلص
قلت انزل موضوع من فترة جاء على بالي علشان تستفيدون
مافيه احد ما يعرف موقع فلكر المتخصص في عرض الصور بس فيه مزايا ودي ابينها في هالموضوع للي ما قد مرت عليه ( ما ادري قد ذكرت في هالمنتدى والا لا ) وهي البحث عن انواع و موديلات الكميرات ومشاهدة نتائجها ومعرفة بعض خصائص الصورة وبياناتها حتى نستطيع نسوي مثلها
نبدأ بأسم الله
اولاً البحث عن الكميرات ومشاهدة بعض نتائجها
ندخل على فلكر ( عادي لو بدون تسجيل )
ونختار مثل اللي في الصورة
ثم
فتخرج لنا قائمة الكميرات كما في الصورة
نختار الكميره اللي نبي نشوف خصائصها ومميزاتها
طبعاً اخترت كاميرات كانون بحكم اني كانوني 
نشاهد الاحصائيات لبعض كاميرات كانون
اذا نزلتوا تحت تبي تلقون جميع كاميرات كانون اللي استخدمت في الفلكر
الموديلات وعدد الصور لكل موديل وبعض الاحصائيات
ندخل على معشوقتنا 
ونشاهد بعض الصور والمواصفات والتقييم ولو بغيتوا تبحثون عن صورة معينة تم تصويرها بنفس الكميره
من الخصائص في نفس الصفحة انك تستطيع مشاهدة بعض اوضاع التصوير لنفس الكميره
اخترنا تصوير الطبيعة
طيب
انتهينا من جزئية البحث عن كميرات ومشاهدة نتائجها
نجي لمعرفة بعض خصائص الصور للمهتمين والأحترافييين 
طبعاً بعض الصور نستطيع معرفة خصائصها وبعضها تم إخفاءها ( ابعلمكم وشلون بس مهوب هالحين ) 
اذا لقيتوا صورة في فلكر وتبون تعرفون خصائصها تابعوا هالصورة
اذا ضغطتوا على اسم الكميره او actions & view exit info
تطلع معنا ذا الصورة
الآن شفنا خصائص الصورة معد له داعي نسأل صاحبها عن الإعدادات
شوفوا التفاصيل
ولو نزلنا تحت نشوف باقي الإعدادات
واذا صادفكم حظ حلو تبي تشوفون العدسة المستخدمة ( لأن مهوب كل العدسات تطلع في الفلكر )
لايك ذس
وبس 
طيب باقي جزئية
الصورة موجودة عندي في الجهاز أو ما خذها من موقع ثاني او شفت صورة لأحد الأعضاء وابي اشوف إعداداتها ( كيف ) ?
أولاً ندخل على الفوتوشوب
وبعدين نفتح الصورة
ثم نشوف ذا الصورة ( اضغطوا عليها )
ومن قائمة camera data ( اذا مالقيتوا هالعبارة فيه سهم في طرف المستطيل افتحوه تلقونها اضغطوا عليها )
نشوف الإعدادات
فيه صور في فلكر وفي النت مختفيه إعدادتها وشلون تم إخفاءها
مثل
ومثل هذي في الفوتوشوب
وش السالفه  كيف اخفاها 
أنا اعلمكم
الآن الواحد اذا صورة بالكميره وش يسوي
ينسخ الصور من ذاكرة الكميره ويحطها في مجلد في جهازه
ثم يفتح الفوتوشوب أو اي برنامج للمعالجة ويسحب الصوره من المجلد اللي حفظها فيه ويبدأ يشتغل عليها ثم يسوي حفظ أو حفظ بأسم من نفس الصوره الأصلية ويعرضها في الفلكر أو يرفعها في موقع ثم ياخذ الرابط ويعرضها في أي منتدى
وهنا نستطيع معرفة تفاصيلها لأنه اشتغل على الصوره الأصلية
واذا فتح الفوتوشوب ثم فتح صفحة جديدة بيضاء بالمقاسات اللي هو يبي ثم فتح الصوره اللي هو مصورها وسحبها على أرضية العمل الجديدة وبدأ يشتغل عليها ثم سوا حفظ بأسم
هنا ماراح تطلع التفاصيل اذا عرضها في الفلكر او في المنتدى
( طبقوا هالشي وعلموني يمكن اصير مخطئ ) لأن هذا اللي طلع معي
الشرح مجهود شخصي وغير منقول
فلا تنسوني من صالح دعائكم في ظهر الغيب 
دمتم مبدعين 
التعديل الأخير تم بواسطة _التميمي ; 2012- 10- 6 الساعة 03:03 AM
|