|
رد: كل شي ينتهــي وكلنا راحلــون لاتبقى الا الذكريـــــ♥ـ♥ــ♥ــــات
يوم الخميس 11ـ18
بالضبط الساعة 3:30
كنت أنا وأختي الصغيرة بنطلع
بنروح السوق<<< أمي ما راحت معانا ما تحب السوق
وأنا بطلع رن جوالي المتصل
( زهرة الربيع )
هذي معلمتي في أول متوسط 
خليني أتكلم شوي عن المعلمة
أسمها نورة من العيون في المرحة
طيوبة ومحترمة وعسل هالأنسانة وشرحها 
أمم وقعت عقد تدريس ثلاث شهور في مدرستنا لمادة العلوم
وبعد ما خلص العقد درست في الروضة بس ما عجبها الوضع وقدمت على جدارة وتوظفت معلمة أحياء في مدرسة بسلوى تطلع من بيتهم الساعة 4 ونص الفجر وترجع البيت 3 العصر
8سنوات لا زيادة ولا نقصان وأنا بأتصال معه عن طريق المسن و الفيس بوك والواتس ومكالمات ورسايل الخ ( ما شاء الله) الله يدوم
أعتبرها صديقتي كل شي تعرفه عني وانا كل شي أعرفه عنها 
المهم نرجع لسالفتنا
طبعا أنا من النوع اللي ما أحب ارفع الجوال وأنا بالشارع
بس هي لأني أعزها مستحيل ما أرفع وصاار لي شهرين ما كلمتها
رفعت
أنا : هلا
أ.نورة : هلا والله أخبارك علومك اخبار الأهل عساهم بخير أخبار فلانة وفلانة وفلانة <<<اسماء خواتي واخبار الجامعة معاك
من يلاحق يرد على كل هذا 
أنا : الحمد الله بخير ... و انتي أخبارك
أ.نورة : تمام
أنا : أخبار طالبات سلوى
أ.نورة : والله تعبانة منهم
أنا : ليه
أ.نورة : ما كأني اتعامل مع بنات خليها على الله
انا : قدمتي على نقل
أ.نورة : أيه قلت لك أني قدمت على نقل قبل سنة وتوهم قابلينه بنتقل الترم الجاي في منطقتي بالعيون
ركبت السيارة
أنا : مبروك
أ.نورة : الله يبارك فيك
أنا : افتكيت منهم
أ.نورة : ايه والله وكنت مجبورة أني احط لهم الدرجات كاملة وكثير تصير لي مشاكل معاهم بس الحمد الله ..خبريني عن أخبارك في الجامعة
أنا : ماشي الحال مافي شي جديد 
أ.نورة : الله يوفقك وخليك مثل ما أنا خابرتك بنت متفوقة
أنا : ان شاء الله
أ.نورة : أخبار معامل الكيمياء معاك
أنا : يبقى لهم أنتباه مرة تلون ضفري صار برتقالي ولا أدري من وين ومرة احترق صعبي من حمض الكبريتيك ومرة حرقت فوطة 
طبعا ابوي صار فيسه كذا  
أ.نورة : شنوا قالت لك الأستاذة؟
أنا : لا ما درت
أ.نورة : أنتبهي لنفسك واستخدمي المركبات بحذر 
أنا : ايه مأخذة حذري بس لازم يصير كذا بالمعامل
أ.نورة : شكلك طالعة
انا : أيه بروح السوق
أ.نورة : اسمعي زواج أختي الأربعاء هذا في استراحة ... معزومة أنتي والأهل
أنا : مبروووك الله يتمم عليها
أ.نورة : لازم تحضرين مو بس كلام
انا : أيه ان شااء الله
أ.نورة : يلا أخليك فرحت لما سمعت صوتك و لما عرفت أنك بخير
أنا : وأنا بعد فرحت بأتصالك
أ.نورة : لازم تصيرين موجودة بالزواج طيب
أنا : على خيرأن شاء الله
أ.نورة : يلا باي و أنتبهي على نفسك
أنا : باي
..........................................
^^^^^^^
بصراحة هذي اوفى أنسانة الله يحفظها
|