2012- 10- 7
|
#26
|
|
أكـاديـمـي نــشـط
|
رد: بخصوص الشهاده ، بليز مساعده
بسم الله الرحمن الرحيم
السلام عليكم ورحمة الله وبركاته
اليوم انا رحت للجامعة وتوني راجع واستفسرت عن كل الاسئلة اللي سالتوها ومن ضمنها الشهادات
وبسرد السالفه بالكامل وبالتفصيل واعذروني مقدماً
( بخصوص الشهادة )
* اللي جاته رسالة من الجامعة يروح يستلمها من الجامعة واللي جاته من البريد يروح يستلمها من البريد وكل وحده او واحد يتاكد من جهة الرسالة
* اللي ماجتها رساله نهائياً فمعناته تتجه على البريد مباشرة وتستلم شهادتها من هناك ( لان اللي ماجاهم رسالة من الطرفين معناته انها موجودة في البريد هذا كلام المدير اللي مع عبد الله القرني اليوم لي لاني كلمته وسالته شخصياً وقلتله بعضهم ماحصلها لا في الجامعة ولا البريد قالي مو صحيييييح )
* اللي بيراجع البريد يروح يراجع البريد الممتاز اللي في حي الاتصالات وقالي المدير اراجع شخص هناك اسمه ( أشرف ) فروحو له انا طبعاً لضيق الوقت ما امداني اروح له لكن بكرة بمره ان شاء الله .
* واللي شهادته في الجامعة يروح يستلمها من الاخ \ عبد الله القرني في المدينة الجامعية المبنى الجديد اول ماتدخلون مع البوابة المبنى اللي في الوجه مباشرة .
وللمعلومية الشهادات كثيرة هناك للشباب والبنات والبنات اكثر حتى فارزينها عن بعض وبالحروف .
* بالنسبه للشباب تروح بنفسك مع البطاقة الشخصيه اما البنات فترسل ولي امرها اخوها او ابوها مع البطاقه .
مختصر الموضوع اللي جاته رساله يروح يستلم شهادته من حسب مصدر الرساله واللي ماجاه شي يتجه مباشره الى البريد الممتاز في حي الاتصالات .
هذا كل مايتعلق بالشهاده
ــــــــــــــــــــــــــــــــــــــــــــــــــ ـــــــــــــــــــــ
نجي لموضوع مادة الانجليزي اللي سالت عنه نصرون
الانجليزي راح يبتدي معانا هذا الاسبوع هذا كلام ادارة كلية الدراسات التطبيقيه وخدمة المجتمع لاني مريتهم بعد وقالولي ماراح ينحذف ولا شي وراح يبدا الدكتور خلال هذا الاسبوع ان شاء الله .
وللمعلومية لنا حنا كطلاب عن بعد لا يوجد لدينا صيفي نهائياً 
هذا كل مايتعلق بخصوص الانجليزي
ــــــــــــــــــــــــــــــــــــــــــــــــــ ـــــــــ
* ملاحظة : لا يوجد للطالبات اي شغل او اي حضور للجامعة نهائياً الا في الاختبار .
لاني سالتهم اليوم هل يوجد مكان مراجعة او شي قال اصلا مافي شي عشان يجون عشانه كل شي عندهم بالنت ولا محاضرات ولا اي شي ولا تحضير حتى,, الا في الاختبار ..
يعني الزبدة لا يشوفون وجهك الا في يوم الاختبارات  
ــــــــــــــــــــــــــــــــــــــــــــــــــ ـــــــ
هذ كل اللي صار معاي اليوم واتمنى اكون الامور وضحت للجميع واللي عندها او عندها اي سوال انا حاااااااضر
ولا تنسوني من دعواتكم يالغالييييييين
  
|
|
|
|
|
|