|
رد: عشـــــــــــــاق كانون .. كل ما يخص الكانون .. متجدد بإذن الله ..
اقتباس:
المشاركة الأصلية كتبت بواسطة kauh1403
صباح الورد ساحة الكانونيون 
عندي استفسار بما أنكم تملكون كامرات كانون الرهيبة
هل استطيع أن اصور تصوير فيديو حركة بطئية على هذه الكاميرا ؟  |
حياك الله اخوي kauh1403
الاخت بوسي ما قصرت وضحت لك في ردها بعض المعلومات المفيده
لكن اسمحي لي اختي بوسي ابجاوب بشي من التفصيل بحكم اني اشتغلت على مونتاج الفيديو لفترة ليست بالقصيرة
اخوي kauh1403
ما فيه كميرا تعطيك سلو موشن من نفس الإعدادات
ولو لقيت ما راح تتحكم بالخيارات مثل ما تبي
بمعنى علشان تحصل على لقطة سلو موشن ( حركة بالبطيء ) راح تحتاج إلى كميره تصور فيديو اقل شي 25 فريم في الثانية وهذي موجودة في كميرات التصوير الفوتوغرفي اللي نستخدمها
لاب توب مواصفات عاليه شوي ( يعني رام عالي + كرت شاشة منفصل ) ولو جهاز مكتبي مواصفاته حلوه راح يعطيك شي خرافي
برنامج لمونتاج الفيديو مثل
ادوبي برييمر Adobe Premiere Pro ( الملك ) 
ادوبي افتر افكت After Effects
اديوس EDIUS
سوني فيقاس
واذا عندك جهاز ماك عندك برنامج iMovie الرائع
ويوجد الكثير من برنامج تحرير الفيديو لكن اللي فوق هي التوب
فلتر Twixtor ( مهوب ضروري لأن البرامج نفسها تعطيك خيارات للسلو موشن ) بس مع الفلتر شي ثاني
وارجع للمقطع الأول اللي نزلته الأخت بوسي في بداية المقطع كاتبين
60 fps يعني تصوير فيديو 60 فريم في الثانية وهذي من نفس الكميرة
+
After Effects برنامج افتر افكت الخيالي
+
Twixtor فلتر يستخدم مع برامج تحرير الفيديو
وبأمكانك تلقى البرنامج والفلتر في النت بشكل كبير وشروحات عن طريقة عمل السلو موشن في اليوتيوب
يعني المقطع اللي شفته هو تصوير فيديو وتمت معالجته في برامج تحرير الفيديو
والطريقة الثانية عن طريق تايم لابس Time Lapse
وهي صور فوتوغرافية بشكل متتابع وتقوم بدمجها في برامج تحرير الفيديو مثل اللي ذكرت والا في برنامج كويك تايم وهي اسهل طريقة ويوجد شروحات في اليوتيوب تبين هالطريقة
ما عليش كثرت عليك أخوي ولكن علشان تتضح عندك الصورة بشكل اكبر
وبالنسبة لكميرات كانون اتجهة في الفترة الأخيرة إلى دعم تصوير الفيديو في كميرات التصوير الفوتوغرافي DSLR وصارت تعطي اتش دي وفل اتش دي بشكل كبيرة ومميز
بالتوفيق لك وللجميع
|