الله معاكم ويوفقكم يااااااااااارب
ام ميعاد مافي احسن من الصلاة ركعتين والدعاء بتيسير الامور وتسهيل المذاكره
او للي عندهم ظروف توضي واقري الفاتحه سبع مرات
والله انها احسن من اي دواء
وترى المادة مو صعبه بالمره شفتوا الدكتور كيف يحاضرها يقصها مثل القصه
اقري وقصي لنفسك
إلا نتائج الاحداث حفظيها لان بيجيبها مقالي
يمكن الصعوبه اشوي في الجزء الاخير لان الاسماء تتشابه
وفي شي مهم ركزوا وفهموا الاحداث بعقل مفتح
لانه بيجيب ماذا يحدث لو ؟؟ وهذا استنتاجي من الاحداث
يعني مثلا ... انتصر قسطنطين في احد معاركه .. لو مافاز شو راح يصير؟؟
او اعتنق شارلمان النصرانيه وتحالف مع البابويه .. لو ما تحالف مع البابويه شو راح يصير ؟؟
عكسي الاحداث وتطلع لك الجوبه ..
والله مو صعب ... انتوا ارهبتوا نفسكم من الماده بس
ذكروا الله وربي يسهل عليكم كلشي ... اول ما بتذاكرون تحسون انكم مو فاهمين شي رجعوا اقروا مره مرتين
مع الاستمرار بتحسون الدروس سهله وفاهمينها
حطوا الاسئلة جدامكم الي حطوها لكم البنات تسهل عليكم بعد وتحدد افكاركم
واعانكم الله وربي ما يضيع تعب احد
ما راح تخلصون المادة الا لما تبتدونها
اول الطريق خطوه اذا مشيت فيه بتوصل
اذا وقفت وقلت وااااي طويل الطريق وبتوقف ما راح توصل لانك مكانك ما تحركت