|
رد: " مجٍ'ـَـَنۈن منٍ لقأ‘مثلٍ [ قلبيُ ] ۈ عٍ'ـَـَآفــﮧ . . . ‘ !
امس رحنا نزور ابوي " واحليله "
دخلنا الغرفه وكان في واحد من ربعه معاه قبل لا يتزوج وللحين ماشاء الله يعني عشره عمر "
<< عشره عمر وخمسه فيصل 
ما اقول لكم طنشوهآ؟؟
المهم دخلنا وطلع هو راح لبيته جلسنا مع ابوي انا واخواني واختي شوي الا جو 4 من ربعه
_ الشمري والزهرااني والمطيري والعنزي _
<< اهم شي حافظتهم ؟
اسكتي انتي وخري بعيد خليني اكمل 
طبعآ ما بياخذون راحتهم لأن انا واختي قاعدين قلت ل اختي امشي نطلع برى وطلعنا برى شوي لين راحو
ورجعناا لـ ابوي وقعدنا نكمل سواليف شوي جو 6 من ربعه بعد و2 من جيرانا
الرويلي و المسند و الدويله والهوساوي و المقرن والباقي ماتغير 
اقصد الباقين ما اذكر ابوي ماقالي 
وطلنا برى مرتن ثانيه لين خلصو من السلام والسواليف ورجعنااا للغرفه "
قلت وووووووجع مترنا المستشفى ترى طالعين داخلين "
شوي جاء 5 من ربع اخوي محمد خلصو تمرين بالنادي وجو يسلمون على ابوي
انااا قلت لا بالله كملت من باقي مارحت له ؟ باقي غرفه مدير المستشفى اروح لهاا ماوجبته ومريت عليه "
خلاص مشينا للبيت يلا وطلت برررررى وجلست على الكراسي انتظر اخوي يجي من عند ابوي
اختي / يووو شفتي كان في واحد يخقق معاهم
انا / منهم ؟ 
اختي / الي جو ل ابوي
انا / يامال الصلاح امداك تقزينهم مو عيب عليك انا امشي وعيوني بالأرض ماشفت احد وانتي قز ب خلق ربي فضحتيها هذا وانتي الصغيره سويتي كذا وش بيقولون عني انا الكبيره ؟
اختي /  حشااا ليتني ماقلت لك شي عمااا اشتغلتي لي فوزيه الدريع وماغير نصائح خلاص اسفه "
شوي واحنا جالسين مر واحد احسه كبر ابوي بـ الخمسينات هيك و يكلم جوال ومعاه ولده كبير وراه
ويخز فيني ويروح ويرجع من الجهه الي جالسين فيهاا
وهنا طلع اخو احمد من عند ابوي قال يوو انتم هناا
قلت لا هناك ترى احنا مو خواتك انا لمى وهذه لمياء خواتك راحو البيت "
والرجال هذاك قعد يناظر اخوي احمد من راسه لرجوله " ووقف عندنا
انا قلت ي بوووي وش عنده هالشايب اعوذ بالله من هالمتزوجين الشيبان الي يغازلون بنات خلق الله
الحين شباب ماعطيتم وجه بعطيك انت مع هالوجه  
شوي جاء اخوي محمد قلت لا بدري يلا رجعنا البيت خلاص ماعاد ب اجي ب انتظر ابوي لين يطلع كل شو طارديناا  تراه ابوي مو ابوهم هم "
هنا مرت وحده هنديه واقلبي ناظرتني وقالت شي مدري وشو و ابتسمت انا فهمت انها - سلام عليكم او مساء الخير - المهم
قلت وعليكم السلام وضحكت لها
<< وناسه اخذت صدقه 
طنشوهاا " 
المهم " اختي قالت وش فيك تردين كأانك فهمتي وش قالت قلت لها سلمت ورديت وابتسمت لها
قالت لو هنديه كان قالت - نمستيه - بس ماقالت شكلها مو هنديه
قلت هنديه باكستانيه يهوديه بوذيه الي تطلع سلمت بطريقتها ورديت عليها السلام بطريقتي "
وضحكت لهاا
اختي / ماشافتك يوم ضحكتي
انا / الا
اختي / شلون وانتي لابسه نقاب ؟
انا / عيوني صارو صغار وزي القوس  معناته كنت اضحك او ابتسم هذا اكبر دليل انها شافني "
اخوي / الحمد لله والشكر بس يلا يلا مشينااا
مو كأنه فشلني وانا اكبر منه ؟؟
مو كأنه يشبه ام << الي دايم تفشلني ؟
آآه منكم ي العواذل آآخ : 
|