2012- 10- 8
|
#29
|
|
أكـاديـمـي ذهـبـي
|
رد: قروب عشاااق نيكوون Nikon
للبدء في التصوير وبعد مايسمي قبل مايكبس على التصوير سواء بكاميرا إحترافية أو عاديه أو شبه إحترافية
ماهو المطلوب منه؟؟
وظائف وخيارات التصوير ومناطق وكيفية إستخدامها أنا بحكم معرفتي على رابطة تصوير لأحد المدن في المملكة العربية السعودية شباب وبنات تمكنت من معرفة أشياء بسيطة من خلالها توصلت للزبده في نظري
لو جيتو مثلا كنتو تدورون أي موقع بشكل عشوائي عن التصوير الإحترافي أو ماهو التصوير الإحترافي أو حتى التصوير راح تكتشف إنك بتدخل عالم مليء بالمعلومات وكل واحد فيه يدلو بدلو من عنده وكل واحد يقول أنا اللي فاهم وماعليك من الباقين!! مثلي الحين وأنا أتكلم واللي عنده مشكله ترى
هذي مقدمتي اللي أبي أوضح فيها مقصدي وللتوضيح أكثر أنا بدوري بحثت بشكل عشوائي عن التصوير ولقيت موضوع جميل
http://www.bdr130.net/vb/t971130.html
حاول يعرف أشياء أساسيه لكن لو تلاحظون ماتعمق كثير في جميع الوظائف ومر على بعضها اللي يعتقد إنه هي المهمه وهو شخص بالفعل فاهم لدرجة إنه يعتقد إنه يتعامل مع ناس فاهمه
وهذا اللي يضيع الناس غالباً ويخليها ماتهتم
في دورات تقام وأسعارها رمزيه لا تسألوني وين لإن المنطقة اللي أعرف دوراتهم تقام في تبوك وماأظن أحد هنا منكم في تبوك ولو صار أحد بتبوك يروح لفود بارك بالورود وراح يحصل إستديو راح يرحبون فيه الشباب ويعلمونه اللي يبيه ومواعيد كورساتهم
عموماً نرجع للموضوع مره ثانيه موضوع الموضوع اللي حطيته الرجال دخل أساسيات وهوووووبه على العدسات والسيقما والفوكس و و و و
طيب وين خيار الفوكس؟؟
وين خيار الشتر؟؟
وين خيار ووين خيار
أنا من وجهة نظري الأساسيات تدرس أولا من الكاتالوج!!
يشرح فيه الوظائف الأساسيه لجميع الخيارات لديك في الكاميرا وفي ماذا تفيدك وغالباً يقولك يستحسن التصوير مثلا بالمتحف
وخيارات ثانيه مايقولك متى ووين طيب ليش بالمتحف
من هنا تتوجه الآن تمسك كل خيار قريت عنه وتكتبه عن طريق النت وتبحث ولا تتشعب ألا بالخطوه الثانيه اللي هي بعد التعمق بجميع خياراتك الأساسيه
الخطوه الثانيه راح تكون الفلاش والعدسات ( تلاحظون دخلنا على الإكسسوارات ) لإنك لما تعرف الوظائف الرئيسيه ماراح تحتاج أحد يقولك كيف تصور بالطريقه الصح
الآن الخطوه الثالثة ولاحظ إن الإنتقال لخطوه الثالثه ماراح يكون سريع زي ماتتوقعون لإنك راح تمر في ممارسات كثير وراح تشوف إنك تضطر تحدد إحتياجاتك وفق مادياتك وتعرف أنواع العدسات اللي تبي واللي ماتبي واللي على ضوئها على تدرس الأشياء اللي معاك حسب إمكانياتك ورغباتك
الخطوه الثالثة طبعا راح تكون 2 في واحد وهي الأطور والأكثر تعقيداً واللي راح تخليك تحت مسمى مصور إحترافي
فيه مواقع عربية وأجنبية تحصلهم يصورون أشخاص حيوانات كتب دعايات إلخ وحاطين صوره مره واو
هذي وشلون؟
هذي بشغلتين أساسيتين ويتم شرحها
( الإنارات اللي هي الفلاشات الكبيره حق الإستوديو مع العاكس للإناره وفيه المظله
يكون لها أماكن معينه في نفس الغرفة تحددها قبل تصويرك لأي شيء راح يكون تحفة فنيه
++++ وأكرر +++++ الفوتو شوب
أنا حبيت مجال التصوير مثلي مثل أي واحد فيكم يمكن فيه من يحبه أكثر مني مثل ماشفت لكن أنا عن نفسي هديت السرعه بشكل كبير جدا لإني وبكل صراحه لا أملك الوقت الكافي والتفرغ الكامل لها وإن تفرغت ماملكت الطاقه الماديه لها يعني مشكلتين
الفوتوشوب أمره نفس الحكايه مهوب سهل مع إني حملت ملفات تعليميه قيمتها بالسوق ب 500 دولار وخذيتها ببلاش وتعلمت لكن وقفت
أنا أنقل لكم تجربتي ورؤيتي للموضوع قلت يمكن أحد يستفيد من هذا الكلام ويعرف وش راح يواجه أو يكتشف على الأقل هو وين كان ماشي خطأ أو صح.
بالنهايه أنا أقولكم جميعا بالتوفيق في هواية التصوير ( أنا أمارس التصوير من أكثر من 20 سنه ) من أيام الكاميرا الفوريه والكاميرا بفلم
تراني ماشيكت على أي خطأ إملائي وياليت تسامحوني لو كان فيه أي خطأ وشكرا
|
|
التعديل الأخير تم بواسطة كاتـم الأسـرار ; 2012- 10- 8 الساعة 03:50 PM
|
|
|
|