|
توتر و ازعاج الصباح
صباح الخير للجميع
في الخارج الناس تصحى على صوت عصافير وطيور وعندنا نصحى على صوت بوري سواق الباص المزعج ولا نصحى على صكصكة بيبان الجيران ! وفي طريق العمل تلقى الكثييير مايتقيد بنظام المرور وزحمة ووجية كنها رايحة تتعاقب وتتعذب!
وان وصلنا للعمل اشكالنا و وجيهنا كنا طالعين من سباق رالي !
والشي الشين اللي يخليك فعلا تكره الصبح اذا صار قدامك ونيت فيه عمال متحاشرين بالصندوق ومعهم سطل بوية رابطينه بسلم كنه يبي يطيح ولا رازين عوامه وسيارتهم مكربنه!؟
ودي افهم رزة العوامه يعني انهم ضد المويه؟
بصراحه المحظوظ من عاش برا الديرة يفتك من التوتر وهالمناظر الشينه؟
ودي اسمع صوت عصافير او طيور ماقدرت ! ماصرنا نسمعها الا بالتلفزيون !
ان سمعت صوت فهو حمامة تخربش بالدرايش وعليها صوت كنها غاصة بتمرة !
لا والشجر عندنا كله لونه بني غامق او فاتح الظاهر اللون الاخضر مايطلع عندنا!
بصراحة صارت حياتنا من سبة الصبح توتر وضغط وامراض نفسية
التعديل الأخير تم بواسطة zezzo ; 2012- 10- 9 الساعة 08:17 AM
|