|
رد: استفسار بخصوص انتساب ادارة الاعمال ومايخص الانتساب
السنة هذي اول مره يصير فيها انتساب في جامعة الملك فيصل
كان فقط تخصصات كلية الاداب والتربية الخاصة والحين توهم منزلين تخصص ادارة اعمال في الفصل الثاني
طريقة التسجيل ماشفنا فيها اي صعوبة وكلها كانت بدون اي مراجعة لمقر الجامعة
بالنسبة لشرح الدكاتره من اروع مايكون وعبر موقع الجامعة بالمحاضرات المسجلة يعني الطالب يقدر يشوفها باي وقت
اما الاختبارات كل دكتور حسب مادته وطريقته مثل اليوم تقريبا جميع الطلبه طلعوا في وقت مبكر من الاختبار وهم فرحانين من طريقة الاسئلة في مادة فقه السيره لانها كانت خمسين سؤال فقط اختياريه وصح وخطأ عكس ماكانوا عليه في مادة التحرير العربي الي كان معظم الطلاب موب متفائلين من اجاباتهم
واحنا صراحة قاعدين نشوف الجامعة تحاول تطور من طريقة التعليم المطور للانتساب
بالنسبة لمعادلة المواد مابعد يجي عليها اي رد
توكلوا على الله والتوفيق للجميع باذنه تعالى
|