السلام على الجميع
لا تخلي الناس تحطمك وتقول لك مو معتمدة ولا بطيخ ,, انا خريج وشفت الشركات اللي كلمتني والشباب اللي وياي بعد نفس الكلام ,,
ومن الامور المحزنه شخص اعرفه تخرج معي بالثانوية وقبلنا في الجامعية ,, انا كملت وهو نقل للكلية الصناعية بحجة كلام الناس انه الجامعية غير معتمدة ومالها مستقبل والخ ..
لما توظفت لقيته معي بنفس الادارة بس هو سكرتير وانا اخصائي .. فرق كبير في طبيعة العمل لمن يعرف اجواء العمل .. وليس القصد الشماته فيه بقدر مااثر فيه كلام الناس واختار الطريق الغير مناسب ...
وايضا موضوع كثرت الشكوى من الطلاب .. شي جميل انه الطالب يبحث عن مصلحته والافضل له ولكن بدون ان ياثر عليه دراسيا .. اي البعض لما يشوف الانظمة وعدم وجود التسهيلات في الكلية نفسيا يتاثر ويحس انه ,, خلاص تجي زي ماتجي الوضع خربان اصلا !!
موضوع المعدلات ,, موضوع مهم حاولوا ترفعون المعدلات ,, كثير من الطلاب يقولون مو مهم المعدل اهم شي اتخرج واخذ الشهادة وبالنسبة للشركات اذا معدلك 3 وفوق انت Top واذا تحت 2ونص الله يعينك لانه بكل صراحه مو كانك ماخذ شهادة ..
اختاروا التخصصات اللي تبونا انتم واللي تناسبكم واقروا عن كل تخصص واسالوا الناس الفاهمه مو اي احد ,, لا تخلي الكلية تختار لك وتقول اوكي اي شي مو مشكلة وحتى لو حطوك بتخصص ماتبيه حاول تنقل واجلس فوق راسهم سمستر سمسترين لو عشره وانقل
ونقطة مهمة جداً
المعدل في الصعود ابطء من البطيء وفي النزول يهوي سريعاً
مقرر واحد يأخذ رسوب او حرمان يهوي بالمعدل
وايضا موضوع اختيار المواد بداية كل سمستر لا تنزل مواد كذا من راسك وبس ,, خلك مطلع على الخطة كاملة واعرف المواد اللي لازم تخلصها لتفتح لك مواد ثانية واذا بتمشي على الخطه يكون احسن بعد ,, لانه اختيارك للمواد بشكل عشوائي كذا تسبب لك مشاكل بجدول الاختبارات وتسبب لك حوسه .
واتمنى لكم التوفيق