نحمد الله ونشكره على كل حال
اخذت اجازة السبت والاحد علشان ادرس عدل
بيوم الاثنين
جاب خمس اسئلة كل سؤال على 10 ريال (مدري درجة)
1 يبي اسباب تغير اللغة مع شرح ثلاثة
انا كتبت كل شي اعرفه
2 تعاريف مع امثلة
حط phatic communication ما عرفته بسبب ان المقطع الخاص بهالتعريف كان موجود بصفحة ناقصة بالملزمة
cognate و false cognate سهل
typology بالقوة عرفت اكتب تعبير زي الناس يخصه (بس طلع التعبير
)
inkhorn بغيت اكتب له مقاله بس تعوذت من ابليس و لخصته بخمس اسطر
3 ترجمة اللي تبع الابن العاق
4 ماذا قال ....... (نسيت الاسم) عن early german
ما عرفت اي شي منه
بس كتبت كلام يخص الاندو يروبيان هوم
5 بسبب النرفزة من السؤال ذاك + المراقبات قاعدين يسولفون يشتكون من وحده تزيد كلام ما صار
(تبون تعرفون شقالو بالضبط؟؟)
نسيت السؤال
ان شاء الله ثلاث من خمس اسئلة محلولة صح
يعني ان شاء الله انجح
صعدت للكنترول اللي فوق
اسالهم اذا نجحت متى الوثيقة المؤقتة
قالت ما فيه وثائق مؤقته الحين
على طوووووووووول الوثيقة الدائمة
قلت لها ومتى تطلع هالوثيقة؟ على رمضان الجاي؟
قالت لأ (مبتسمة وهي عافة الطنازة اللي سمعتها)
ردت بسرعة ان شاء الله على شهر ربيع
ردت على روحها تقول ان شاء تنجحين وما نشوفك هنيه
(مدري اذا كنت قاعده على قلبها او لأ)
قلت لها والله انا ما كان لي نية اني ارجع
بس يصير شي يخليني ارد لكم بالقوة
قالت شنو اسمك؟
رديت اسراء
عيل الحلوة ترد وتقول ((
اها بسبب الحرمان ))
بغيت اقول لها : ايه ، حسبي الله على اللي كانت السبب
بس بلعت لساني واكتفيت بابتسامة
بعدين انرطعت الين ما صارت 12 علشان اطلع
وانرطعت بالشمس الين 12:40 لان السواق كان بالخبر
الين ما وصل السواق رحت للشغل
طلبت دوام مسائي بهاليوم بس قعدت هناك الى 9 بالليل
تخيلي حالتي بذاك الوقت