المشاركة الأصلية كتبت بواسطة ماجد الشاعر طيب عندي استفسار ، بعد ما كثر الكلام حول هالموضوع :: بالنظام الافتراضي .. طريقتي أضغط على مشاهدة المحاضرة المسجلة ( ما أحملها ) هل تحسب لي الدرجة ؟

والله شوف هالسؤال طرح كثييييير ،، وأنا اجابتي عليه ما تتغير أبداً ،، تحميل المحاضرة أضمن وأنفع وأرتب لك

"أضمن" لأنها تضمن لك الدرجة بتحميل المحاضرة كاملة ،، ما تدري يمكن مشاهدتها فقط لبضع دقائق ما يسجلها السستم لك ،، لأن رصد درجات المحاضرات يكون الكترونياً ،، فتحميلها كاملة أضمن لك من مشاهدتها

"أنفع" لأنك راح تحممل المحاضرة كاملة وبعدها راح تشوفها وتقدر تفتحها بأي وقت وتقدر تستفيد منها وقت المذاكرة وقبل الاختبار وفي كتابة ملخصات لك عن المادة اذا تبي تدوفر وتصير مصطفى

" أرتب " لأنك راح تسوي لك مجلد كامل للجامعة وتسوي لكل مقرر مجلد خاص فيه وراح تحممل المحاضرات فيه وراح تفيدك بعدين هل انت حمملت المحاضرات كلها والا باقي لك شي لأنها اربع طعش محاضرة ويمكن يصير فيها حوسة لك وتنسى وش شفت ووش ما شفت ..


حمّل يا رجل والله يوفقك