ملتقى طلاب وطالبات جامعة الملك فيصل,جامعة الدمام - عرض مشاركة واحدة - [ صور منوعه ] عشـــــــــــــاق كانون .. كل ما يخص الكانون .. متجدد بإذن الله ..

_التميمي · 2012- 10- 18

اقتباس:

المشاركة الأصلية كتبت بواسطة kauh1403

بارك الله فيك استاذنا مثل ما تقول لك بوسي

طيب

اقتباس:

المشاركة الأصلية كتبت بواسطة kauh1403

بالنسبة لميولي أحسب تصوير الفيديو أكثر وخصوصاً حفلات ورحلات بريه وترقب السيول في الاودية واحياناً تمسك معي استكشاف احب اصور لي حشره وأتتبع اخبارها بس الكاميرا ما تساعد ايش الكاميرا الي تنفعني في هذا المجال
ولك شكري وتقديري

ما ادري عن ميزانيتك لكن ابعطيك مواصفات اساسية في كميرات تصوير الفيديو
واذا بغيت مواصفات اعلى تأكد ان سعر الكميره راح يكون غالي مره ( ونصيحتي لك لا تشتري شي غالي ) على الاقل في البداية حتى تتمكن من التعامل مع الكميرات وتصير تهتم بالتفاصيل

عموماً الاسعار راح تكون ما بين 2500 إلى 3000 ريال تقريباً وما فيه موديل معين انصحك فيه

نجي للذاكرة ( حاول انها تكون هارديسك داخلي وذاكرة خارجية في نفس الوقت )
علشان لو امتلى الهارديسك يمديك تصور في الذاكرات الخارجية خاصة اذا ما صار معك اللابتوب علشان تفرغ التصوير فيه
يعني لو اخترت هارديسك داخلي 120 قيقا او 240 قيقا يكون تصويرها مثلاً 10 ساعات فل اتش دي وراح يكون 15 ساعة اتش دي فقط وهكذا كل ما خفت دقة التصوير كلما زادت مدة التصوير
لكن لا تصور غير فل اتش دي ( خلك حريص على الدقه )

الكميرات تجي اتش دي HD
وتجي Full HD
والأفضل طبعاً فل اتش دي بحيث تصير ابعادة التصوير 1920 في 1080
والاتش دي بس تكون الابعاد فيها 1280 في 720
وفيها مقاسات كثير لكن احرص ان الكميره تكون 1920 في 1080 Full HD

مانع اهتزاز Steady Shot لازم يكون متوفر في الكميره وهو مهم
واظن ما فيه كميره فل اتش دي الا ويجي فيها

الزوم
المعروف دائماً ان الزوم يخرب الدقه علشان كذا كميرات التصوير فل اتش دي يكون زومها قليل شوي بالمقارنه بالكميرات العادية
يعني لا تحرص مره على الزوم العالي وتترك باقي الموصفات المهمه

مدخل ميكرفون
انا اشوف انه مهم لان الكميره اللي فيها ميكرفون مدمج راح يتداخل فيها الصوت اللي تبي تسجله مع خرفشتك على الكميره لأن اي ضغط لاي زر راح يصدر صوت ويأثر على التسجيل

بطارية إضافية ليثيوم سعة كبيرة ( هذي تشتريها انت )
علشان ما تتوهق اذا انتهت البطارية

ومسألة انك تبي تصور حشرة او غيرها هذي اتوقع ترجع لجودة العدسات وأمكانياتها لأن فيه كاميرات تصوير فيديو تقبل استبدال العدسات وتغييرها

واهم شي نصيحة اول ما تاخذ الكميره احرص على الكاتلوج قطعه بالقراءه واعرف مزايا وخفايا الكميره ولا تجلس تتعبث فيها وبعدين تجيك ردة فعل وتكرهها .

هذا ما حبيت اقوله في هالموضوع وبالتوفيق لك اخوي
واذا لقيت معلومه او كنت ناسيها راح ابينها لك ان شاء الله