" لها
وأعتذاري لـ ذائقتكم ....

الشوق جاير .. وجور الشوق لعيونك
والحب بيّن .. بعيني .. يوم حبيتك

أهلكني الوجد.. وأنت أهلكت .. مفتونك
وعلمتني .. كيف أونّك .. لين .. ونّيتك

مابين سكر عنبك .. ولذع ليمونك
شربت مرّك على شانك .. وحلّيتك

تكفا .. فديتك .. شوي شوي .. على هونك
تراك غالي .. وأنا زوّدت .. وأغليتك

لاتسمع الناس .. لو كانوا .. ينادونك
إسمع صدى صوت قلبي .. يوم ناديتك

قل سم.؟.. أو قل هلا.؟ أو قول .. يا عونك ؟
ما تدري إنك .. ليا ناديت .؟.. لبّيتك

لبيه .. لامن ضحكت .. وبانت سنونك
وأخفيت مبسمك .. بين أطراف جاكيتك

حبيتك بعقل .. لين أصبحت .. مجنونك
وذبحت .. شعري .. لأمل لقياك .. وأحييتك
,
,
,
متى على الله .. تضمّ عيونى .. عيونك؟؟
وأنشدك بالله قلّي .. " ليش حبيتك " ؟؟