ملتقى طلاب وطالبات جامعة الملك فيصل,جامعة الدمام - عرض مشاركة واحدة - كل خطوة تقربك لغايتك غامـــر في المشي اليها

سأحقق حلمي · #1 2012- 10- 19

كل خطوة تقربك لغايتك
غامر في المشي إليها
ولا تصاب بـ الشلل العقلي
مادمت من السائرين
على الحق في طريق　
　النجاح ..
وتغنّى أثناء سيرك
بــ: ومن يتهيب صعود الجبال
　　　　　　　　　　　　　　　　　　
يعش أبد الدهـر بين الحفـر

السلام عليكم ورحمة الله وبركاته
يامساء/صباح ، الخيراات
شخباركم ؟
عساكم تجهزتوا للأختبارات ؟

كثير مننا يبي يحفز نفسه على المذاكرة
وكلنا نبي ناخذ درجات كاملة
وكلنا نبي ننجح
اليوم حبيت اساعدكم على المذاكرة
بإذن الله تلقون نتايجها سريعه
بس يبي لكم تتبعون هالنقاط الي بقولها لكم
يالله نبدأ مع بعض

نحديد مستوى المذاكره
[ يعني نقول بنذاكر من الصفحة الأولى إلى 100] .
بعد مانحدد المستوى الي نذاكره يجينا

نحدد هدفنا من المذاكرة ،
[مثلاً هدفي : اخذ درجه كامله ،
ارفع راس اهلي ، الأجر والثواب ] وهكذا .
بعد تحديد الاهداف

نكتب الأهداف، [فيه دراسه تقول انهم سووا دراسه
على عدد من الناس الي يقولون بنسوي بدون لايكتبون
وصارت نسبة انجازاتهم الي انجزوها 30%
وسووها على ناس يكتبون الي يبون يسوونه
وصارت نسبة الإنجاز 90% بالمية ]

خلونا تكتبها بخط عريض كبييييير بورقه او بأي مكان
اهم شي نشوفه كل شوي .
بعد مانكتب اهدافنا

نتخيل تحقيق الآهداف ، [مثل نقول : انا اختبرت
وحليت كل شي واخذت الدرجه الكامله ]
، لأن الدماغ سبحان الله يستوعب اكثر الاشياء
من التخيل ويحولها لواقع .

بعد مانتخيل
>>>>
نبعد أي تفكير سلبي ،
[لاتقولون انا مااعرف انا مااقدر انا لو ايش
مااراح افهم هالمسأله
وانا وانا ]<<كل هذي الاشيااء نشيلها من تفكيرنا
، مانبي اي شي سلبي ، خلونا نقول حنا
نقدر وحنا نعرف وراح نفهم بإذن الله .
بعدها

الثقه بالله ، [نقول: ربي معي حتى لو ماحليت
كل شي مكتوب وكل شي خيره لي اكييييييييييييد ]
وثقوا ثقه تامه انه دامك مع ربي بيصير لك كل خير

.

نصفي أذهاننا ، [يعني لاتفكر ون بأي شي
وقت المذاكره واتركوا راسكم كله مع المذاكرة ،
كل مافكرتوا شيلوا هالتفكير وركزوا مع المذاكرة ]
لأنكم اذا ما فكرتوا بشي ، وركزتوا ترا بسرعه
بتخلصون وبسرعه تستوعبون الي انتوا تذاكرون .
بعدها
>>>>
نفكر بالنتائج والثمار الي ناتجه من الي قاعدين نذاكره ،
[ بأستفيد منه عقب ؟ بينفعني ؟ بيعلمني الشعر مثلا؟
بيعلمني المفردات ؟ ]
فكر بكل الثمرات الي حاصله من مذاكرتك للمادة .
بعد مانفكر بالنتائج والثمار
>>>>
نركز ، [ اتركوا كل تركيزكم يسار الكتاب يعني نظركم
يسار ومكان الكتاب يسار ]
لأن سبحان الله
الجزء الأيسر في المخ أدق من الأيمن
، ( الأيسر يستوعب الجزئيات والأيمن يستوعب الكليّات ) .

بعدها

التصوير ، [ يعني نقرأ الكتاب وكأننا قاعدين نصور الحروف في أذهاننا ] .
بعد مانصور
>>>>
النفس العميق ، [ دخلوا كميه من الأكسجين ،
ويكون النفس بشفط بطنك ] لأن الدماغ سبحان الله
يتقوى مع الأكسجين .
بعدها

التكرار ، [ نكرر الكلام اللي نقرأه ثلاث مرات ] .
وبعد مانكرر

نربط ، [ يعني انك مثلاً تربط بين هالجمله والثانية
، مثلا هذي تنتهي بحرف الراء والي بعدها تبدأ
بحرف الراء وكذا ، او مثلا ترسم ، يعني
زي اذكر مره عندنا حفظ علماء كثيره مره
وحفظها يبي له شوي ،
المذهب كان الحنفيه ويندرج تحته كم اسم
جيت ورسمت حنفيه [صنبور] وكتبت اسامي
الكتب حقتهم وكذا وحفظظظته بسرعه
، وهالطريه استخدموها كثير لأنها اسرع
طريقة لحفظ الأسامي والأرقام

.]
وعقب مانخلص مذاكرة

التثبيت والمراجعة ، [ بعد المذاكرة خذوا لكم فتره وارجعوا راجعوا المنهج ، لأن مايثبّت المذاكره الا المراجعه ] .
واهم نقطة

التوكل على الله ،
[ لاتقولون اني ذاكرت ولاراح احل وغيرها
، توكلوا على الله في كل كبيره وصغيره
وانه ماراح يخذلك ولا راح يضيع تعبك واذا صار لك
شي فهو مقدّر لك وخيره اختارها لك الله]

.

الدعاء ، [صلوا لكم ركعتين واختموها بوتر وادعوا
ربكم فيها انه يثبت حفظكم ويسهل عليكم الأختبار
وتحلون زين وادعوا للمسلمين معكم ،
عن أبي الدرداء رضي الله عنه أنه
سمع رسول الله صلى الله عليه وسلم يقول:
"ما من عبد مسلم يدعو لأخيه بظهر الغيب
إلا قال الملك: ولك بمثل" أخرجه مسلم .]

الأستغفار ، [ كثروا من الاستغفار وانتوا بالطريق
للأختبار وبكل وقت استغفر
وبإذن الله تلقونها مفتوحه بوجهكم]
الاستغفار شي عجيب وربي عجيب عجيب ،
عمري ماشفت زي مفعوله وأثره على حياتي .

انتهينا

الموضوع اعجبني واحببت نقله لكم

ان شاءالله تكونون استفدتوا
الله يوفقنا جميعاً
يارب ناخذ معدلات ترفع الراس
دعواتكم

هناك شخص واحد في هذا العالم
يمكن أن يضع
حداً لطموحاتك ونموك في هذا العالم
وهو :
” أنت “
* حياتك لا تتغير
عندما يتغير مديرك
أو يتغير أصدقاؤك
أو زوجتك أو شركتك
أو مكان عملك أو حالتك المادية !
* حياتك تتغير عندما تتغير
أنت وتقف عند حدود وضعتها أنت لنفسك !