|
العداد بيعد والحسابه بتحسب .. اذا انت/ي في خطر
السلام عليكم ورحمة من الله وبركة .. اسلوب الاذاعه المدرسيه خلاص ما منه فكة
بس امانه شرايكم في الموضوع .. متعوب عليه .. عداد وخطر .. احس اني مشروع كاتب وصحفي 
المهم الموضوع اني شفت التاريخ اليوم واكتشفت ان الاختبارات باقي عليها 8 اسابيع يعني شهرين
اسبوع قبل العيد هذا بيطير في السوق والصوم والي يدور له مزرعه يحط خروفه المدلل فيه
وكل يوم يزوره يطمن عليه انه اكل كويس
واسبوع للعيد زيارات وسفريات والشغل السنع الي انتم خابرينه .. طيب جميل جدا
بعدها بيبقى 6 اسابيع
اغلبنا عندنا 6 مواد
وفي ناس للحين ما حمل المحاضرات ولا حل واجبات ولا مناقشات وبعد العيد بينضغط صح
ويجي يكتب لنا موضوع قبل الاختبار باسبوع "مين الي ما ذاكر وحل واجبات ومناقشات وحمل محاضرات زيي" ههههههه هذي النوعيه تحرق نفسها احسن .. شخص لا يرجى برئه 
الموضوع لتنبيه فقط
اقل شي حمل محاضرات وحل الواجبات والمناقشات وابدى ذاكر اسهل ماده عندك خلال الاسبوعين هذي وبعدها يبدأ الجد
فذكر فأن الذكرى تنفع المؤمنين
وشكرا
التعديل الأخير تم بواسطة the.best ; 2012- 10- 21 الساعة 08:13 AM
|