ملتقى طلاب وطالبات جامعة الملك فيصل,جامعة الدمام - عرض مشاركة واحدة

MUNATOOF · 2012- 10- 21

اقتباس:

المشاركة الأصلية كتبت بواسطة ghadaalshammari

اختي العزيزه
معليش اكيد بتقولون هذي وش دخلها عندنا هههه
شفت الموضوع اول المواضيع بقسم التعليم عن بعد ودخلت

العنوان قهرني حسيت بحسره عليك خيتي

لي اكثر من 8 سنين عن الدراسه نفس حالتك
وكنت علمي
الحين والله لاني عارفه شي لابالعلمي ولا بالادبي
مخي منمسح كل شي فيه
ومع ذلك دخلت قسم عندي ميول له منذ الصغر رغم صعوبته
ومتخوفه واحس اني عجزت وناسيه كل شي وقسمي مواده كل مستوى تزيد الترم هذا 8
واللي بعده عشر مواد تخيلي
لاتحسبين انك لحالك ترى كلنا جانا نفس الاحساس

بس ماابي ادخل اي قسم ثاني حتى لو كان سهل
ليه لان إدارة الاعمال والانقلش هم القسمين اللي مستقبلهم كبيررر بإذن الله
وغيرهم ياكثر خريجين الانتظام من علم الاجتماع ووو
ولا لقوا وظايف فيهم
وانتي تبين تصيرين علم اجتماع وانتساب مطور بعد؟؟

توكلي على ربك واكثري من الاستغفار
وشدي حيلك من الآن وش تنتظرين
وموادكم اعتقد قليله خمسه بس
ويكفي ان دكاترتكم من مصر الغاليه
اللي من فقدناهم تغير التعليم بالسعوديه للاسوأ وللاسف
اجلسي على كل ماده 3 ايام من الحين ابدي
وبقولك شغله
ياكثر اللي داخلين ادارة اعمال ونجحوا وتفقوا
وهم تخصصهم ادبي وامهات ومتزوجات

شدوا حيلهم واجتهدوا شوي
وربي مايضيع جهد احد

اكثري بس من الدعاء والاستغفار واستمري وانا اختك
عمر الانسحاب مانفع احد وكلنا مرينا بنفس الحاله اللي انتي فيها لدرجة اني اقول وش لي بالدراسه انا مو قدها الحين و احس بخوف وحزن وتردد

دوري لك ساعتين 3 ساعات باليوم تراجعين فيهم
وحنا بجامعتنا ولله الحمد معنا ال30 درجه ببلاش
يبغي لنا 30 بس ع الورقه وننجح
بس خلي تفكيرك كبير وطموحك تفوق بس شدي حيلك
ماتدرين لو تجيبين a+ بكل المواد بإذن الله وساعتها بتضحكين على هاليوم
صدقينن يمديك تلحقين فهمهم ومذاكرتهم من الحين
الرياضيات روووعه لو فهمتي اول محاضره بتفهمين الباقي لانه مبنيه على بعض
كل شي مرتبط باللي قبله وهذي حلاوتها

حاولي تعودين مخك على الفهم قبل الحفظ
وحنا مبطيات عن الدراسه يعني يبي لنا مضاعفة جهد عشان نمشي ونرجع لحماس الدراسه زي قبل

وربي يوفقك ويسعدك ومبروك زواج اختك
و على قولة اختي فيرونيكا
اختك بتعيش حياتها الله يسعدها
وانتي بتجلسين حاطه يدك ع خدك بالبيت وبتضيع سنه من عمرك على ايش ؟

أول شي أهلا وسهلا فيكي ماعاش اللي يقول لييش جايه عزيزتي
وكلامك ميه الميه بأن إدارة اﻷعمال واﻹنقلش على قولتك مستقبلها قووي وأزيد من عندي دراسه الكمبيوتر والبرمجه وشكرا لك على التشجيع مرة أخرى