السلام عليكم
بصراحة هو حلم مفزع شوي ويخوف بس ياريت ياشيخ تفسره لنا وتريحنا
قبل ماأقول الحلم بس في معلومات متعلقة بالحلم حابة اقولها قبل
انا عمي متوفي من حوالي شهر وشوي تقريبا من بداية شهر محرم اهو عنده اولاد وزوجته
متوفية قبله بحوالي 10 سنوات سبب وفاته كان مريض من زمان والله أستخار له الله يرحمه
ايضا معلومة اضافية عمي قبل لا يتوفى كان متوفي قبله ولده الكبير قبل حوالي سنتين وكان له
نصيب من الأرث حق ولده وكان بيتنازل عشان عيال ولده بس عياله الثانيين رفضوا عشان اذا
توفى ابوهم يأخذون نصيب ابوهم من زوجة أخوهم والحين هو توفى وصارت مشاكل بينهم وبين
زوجة اخوهم عشان حق ابوهم وقالوا لها عطينا حق ابونا بالتمام بدون محاكم ولا هذرة بس هي
رفضت قالت ماأعطيكم حقكم إلا من تحت شيخ ومحكمة حتى يكون في اوراق وتوقيع يثبت
هالشئ ومايكون في مشاكل ثانية عاد الحين مادري وش صار على موضوعهم
المهم
الحلم هذا حلم به ولد عمتي الكبير اهو عمي يصير خاله اخو امه حلم ان عيال عمي رايحين
المقبرة ويحفرون قبر ابوهم في الليل ويرشون عليه ماء عشان يسألونه عن اشياء تخص الورث
ويوم طلعوا ابوهم من قبره كأن عظامته قامت تناهض يعني تتحرك كأنه حي ووجهه كأنه وجه
خروف <<< ياربي سترك انا من قالت لي بنت عمتي عن حلم اخوها هذا مرة خفت قلت مالي الا
الشيخ بو عبدالرحمن يفسره لنا الله يجزاه خير ويطمنا