|
رد: جدول الامتحانات فصل الدراسي الاول..
اقتباس:
المشاركة الأصلية كتبت بواسطة ام توتو
اي والله ابد الجدول مو حلو 4 مواد ورا بعض صعبه علينا احنا امهات وعندنا اطفال وبيت مسؤوليه مفروض يكون في يوم بينهم ولازم نتعاون ونكلمهم يغيروه الله يسهلها علينا  |
اقتباس:
المشاركة الأصلية كتبت بواسطة mǾҺÄmmĔđ
أنا صراحة مع أم توتو لازم نكلمهم خصوصا فيه أوقات كثيره لانه المواد الأربعة كلها دسمه
وما أدري لو نكلمهم ممكن يغيرونه ولا مافي أمل؟؟
|
اقتباس:
المشاركة الأصلية كتبت بواسطة غربة مشاعر 27
السلام عليكم
ليش مادتين في يوم واحد ورى بعض  حرام صعب كدا
مانقدر نكلم الجامعه يغيرونها ؟والله صعب وتعب علينا  نون انتي من مكه زي  |
اقتباس:
المشاركة الأصلية كتبت بواسطة كبريائي بصمتي؟
الله يسهل والله يخوف جدولهم ..
|
يا بنات الله يهديكم ،، هذا وهم منزلين الجدول من بداية الترم يعني يمديكم تذاكروا الحين بطريقة جدول الاختبار ،، باقي على بداية الاختبار للي ما بدا يذاكر للحين تقريبا شهرين الا عشر ايام ..
لا تقولون الجدول صعب وهو باقي عليه مشوار ،، حسستوني أن الجدول توه نزل وبكرة تبدأ الاختبارات
المذاكرة بطريقة جدول الاختبار ،، يعني الجدول يقول عندك أول يوم ادارة وتحرير عربي ،، ابدأي من الآن وسوي لك جدول و ذاكري اليوم الاول المادة الاولى ،، واليوم الثاني المادة الثانية ،، واليوم الثالث اطبعي اسئلة اختبار الترم اللي راح وحاولي تحلي الاسئلة لحالك وبعدين قيمي نفسك ،، مرة مرتين وبتصير المادتين حافظتها صم أو على الاقل مستواك في مذاكرتها راح تكوني راضية عنها ،،
وصدقوني راح تمشي الأمور بإذن الله ولا تتخوفوا ،، واللي تقول أنها أم عيال ومسؤوليات ،، صدقيني فيه أوقات تقدري تكوني لحالك فيها وابدأي ذاكري من الحين خصوصاً للي عندهم مسؤوليات وما يدرون كيف بيصير وضعهم وقت الاختبارات ..
مسؤولياتنا وشغلنا ووقتنا جداً جداً مزحوم ومع ذلك الله سبحانه وتعالى ميسر أمورنا ولله الحمد والمنة
وَجَاءَ في حَدِيثِ أَبي الدَّرداءِ رَضِيَ اللهُ عَنْهُ قَالَ : سَمِعْتُ رَسُولَ اللهِ صَلى اللهُ عَليهِ وَسَلَّمَ يَقُولُ : « مَنْ سَلَكَ طَرِيقاً يَلْتَمِسُ فِيهِ عِلْماً سَهَّلَ اللهُ لَهُ طَرِيقاً إِلى الْجَنَّةِ ، وَإِنَّ المَلائِكَةَ لَتَضَعُ أَجْنِحَتَهَا لِطَالِبِ الْعِلْمِ رِضاً بِمَا يَصْنَعُ ، وَإِنَّ الْعَالِمَ لَيَسْتَغْفِرُ لَهُ مَنْ فِي السَّمَواتِ وَمَنْ في الأَرْضِ حَتَّى الْحِيتَانِ فِي المَاءِ ، وَفَضْلُ الْعَالِمِ عَلى الْعَابِدِ كَفَضْلِ الْقَمَرِ عَلَى سَائِرِ الْكَوَاكِبِ وَإِنَّ الْعُلَمَاءَ وَرَئَةُ الأَنْبِيَاءِ ، وَإِنَّ الأَنْبِيَاءَ لَمْ يُوَرِّثٌوا دِينَاراً وَلا دِرْهَماً وَإِنَّمَا وَرَّثُوا الْعِلْمَ ، فَمَنْ أَخَذَهُ أَخَذَ بِحَظٍ وَافِرٍ » .
أخرجه أبو داوود والترمذي وابن ماجه وابن حبان في صحيحه والبيهقي
|