|
•·.·°¯`·.·• (ღ عندي اضافه ღ ) •·.·°¯`·.·•
يفداك قلبي والتعب والمسافه
دام آخر المشوار شوفة عيونك
يفداك عمري والندم والحسافه
على الزمان اللي قضيته بدونك
جيتك بقايا قلب هذا اعترافه
اهواك احبك اعشقك ما اخونك
يعني احبك حب اسمه خرافه
لأطروا أساطير الهوى يذكرونك
لو الخفوق كتاب تقرى غلافه
(اقسم قسم بالله اعشق جنونك)
جيتك على رغم الزمن واختلافه
كل الطرق عندي توصل جفونك
مليت من شح الغرام وجفافه
ضميان حب وبرتوي من مزونك
ياسيد قلبي والحلا واللطافه
كل المشاعر في خفوقي يبونك
قلي احبك خل عنك الكلافه
ريح ظنوني ريح الله ظنونك
خلص كلامي بس عندي اضافه
اهواك احبك اعشقك مااخونك
.
.
.
للصديق الغالي / م. سلطان الحربي
 
|