2012- 10- 30
|
#431
|
|
أكـاديـمـي مـشـارك
|
رد: غريب الدار
شمس العصر
شمس العصر مــــــــــــــــــدت على عمري ظلال
شمس العصر والقلب في ظلها مــــــــــــــــــــــال
العين يجهرها شعاع الموده
والقلب مال عصير يا من يرده
ترى العصر محدود بالحيل حده
يامن يرد الشمس عن هايف الجــــــــــــــــــــــال
مذبوح أنا والموت من سهم نظره
الموت في حده وباقصاه زهره
يا اهل الهوى في ذبحة الحب عبره
خل قتيل وخل يا ناس قتـــــــــــــــــــــــــــــــــــال
شمس العصر في وردة الخد تلمع
بالقلب أغني له وبالقلب يسمع
والكل منا في هوى القلب يطمع
ساع لنا حال وســـــــــــــــــــــــــــــــــاع لنا حال
شمس العصر تلثم زهور المحبه
يا نشوة اللي عقب نوم تنبه
كل الهوى في وسط قلبي تصبه
في دافي عروقي شعـــــــــــــــــــــــــاع الهوى جال
شمس العصر سوت على الغيمه اقواس
ألوانها في نظرة العاشق احساس
زرقة بحر حول بها حمر الاطعاس
غنى لها عشاقها كـــــــــــــــــــــــــــــــــــــم موال
شمس العصر فوق السحابه توهج
والمزن من زاهي ذهبها تتوج
ذاب الذهب فوق السحاب وتموج
سبحان من شكل سمانا بالأمثـــــــــــــــــــــــال
الشمس في تالي نهاري ضعيفه
خلت رسايلها وراحت خفيفه
وليف ودع خافقه مع وليفه
الله يعين القلب بــــــــــــــــــــــــــــــالليل وان طال
بالله يا شمس العصر لا تغيبين
الغيم والورده وانا لك حبيبين
متى على خير وسلامه تعودين
ميعادنا بـــــــــــــــــــــــــــــــــاكر على ميلة ظلال
|
|
|
|
|
|