السلام عليكم ورحمة الله وبركاته

أخواني أخواتي ،، سيداتي سادتي ،، أسعد الله صباحكم بكل خير ،، والله يرضى عليكم دنيا وآخرة

معليش ،، لا تزعلوا علي ،، بس عندي وجهة نظر ،، وتقدروا تقولون :"عتب": ،، مو عليكم كلكم بس على بعض الاخوان والأخوات ،، وصدقوني لو ما أغليكم ما صرحت بهالشي لكم

أنا لاحظت مثل ما غيري لاحظ في الأيام الاخيرة هنا في الملتقى عبارة صارت كثير تطرح في الردود ،، ( كلم الأستاذ الشعيبي على تويتر وتلقى عنده الإجابة ) ،، ( تقدري تتواصلي مع الفريدان على تويتر وهو يحل مشكلتك ) ،، ( آآآه لو عندك حساب في تويتر كان قدرت تحل مشكلتك ) ،، والخ الخ ....

طيب لحظة ،، أنا أدري ،، وأنت تدري ،، وأنتي تدري ،، أن أكثر الناس وأولهم أنا آي فون ما عندي حساب في تويتر ولا أعترف فيه ،، بتسموها تخلف ،، بتسموها جهل ،، عادي جداً جداً ،، سميها اللي تسميها بس يا أخي ويا أختي هذي قناعتي ،، أنا لا أعترف بتويتر والله يزيدني جهل فيه مثلما زادني جهل في الفيس بوك وغيره ..

أنتم تدرون بأن التويتر سلاح ذو حدين ،، وخصوصاُ الحد السيء فيه قاطع جداً ،، فلماذا تحث أو تحثي الانسان اللي أمامك اللي دخل الملتقى هنا علشان يحصل إجابة على الدخول في تويتر ،، أنت أو أنتي كأنك أخذت هاالانسان ورميته في البحر وهو ما يعرف يسبح وقلت له ترى فلان بتحصله هنا في هالبحر دور عليه ..

أنتوا ما تدروا عن ظروف الناس ،، فيه ناس يالله يالله دخلوا هالمنتدى ،، وفيه ناس ما يقدروا يسجلوا في المنتدى بس يدخلوا زائرين ويمشون لانهم ممنوعين من دخول المنتديات سواءً من أزواجهم أو والديهم ،، عادي خلونا نكون صريحين ليش نخبي على بعض ،، فلما يدخلوا المنتدى وانت أو أنتي تقولو روح تويتر تلقى اجابتك مشكلة !!

اذا الاجابات صارت كلها في تويتر فأنا أنصح ادارة الملتقى بإغلاق الملتقى لأنه ما عاد له فائدة !!

أنا ما قلت هالكلام علشان أقول تويتر مو كويس وتراه حرام ،، لا ،، بس قلت هالكلام حباً لكم وخوفاً عليكم يا التويترييون لأن أي شخص بيروح من الملتقى ويفتح له حساب في تويتر ويسلك طريق آخر ،، فوالله العظيم الذي لا إله إلا هو أنك أنت من سوف تأخذ أوزاره يوم القيامة لأنك أنت من دليته على هذا الطريق ،، وأتوقع أنكم فهمتوني

وبعدين بذكركم بشي ،، وين راحت أنظمة الجامعة ،، وين راحت الارقام المجانية ،، والايميلات حقت الجامعة للي حاب يستفسر ،، !!!!

أتمنى أني قدرت أوصل وجهة نظري بالوجه اللي يرضي الله سبحانه وتعالى أولاً ،، ثم يرضيني ويرضيكم

تقبلوا ودي واحترامي

أخوكم / آي فون