ملتقى طلاب وطالبات جامعة الملك فيصل,جامعة الدمام - عرض مشاركة واحدة - ● هنـآ نــــقطه تجــــــمع رقم ( 1) لـمادة التدريب الميداني 1 ● ‏

sadeem_5 · 2012- 11- 7

اقتباس:

المشاركة الأصلية كتبت بواسطة شمعة امـل

السلام عليكم
رحت اليوم برج الدمام الطبي
ودخلت عند الاخصائية الاجتماعيه اسمها منى ومره ذوق
عطتني نموذج وقالت خذي عبي منه
وقالت انه لازم تروحي تجيبي خطاب من إدارة الخدمة والتدريب
وهو موجود في الدور الثاني في قسم الاسعاف ورحت لدور الثاني
ودخلت غرفة المسئول وكان مو موجود بغرفته وبعدين خليناهم ينادوه
ودخل الغرفه وقعد يفرفر بالجهاز وطلع مافي شبكة مغيرين الباس وورد
وقال روحي وتعالي بعد نص ساعة وبعدين قلت لا ماني رايحه انت روح سويها
بغرفة ثانيه وراح وقعد اكثر من نص ساعة عشان يطبع ورقة فيها ثلاث سطور
وبعدين قال روحي ل مدير التخطيط والتدريب الدكتور رياض بن علي
على اساس يختم ويوقع والاخ الدكتور مو براضي ينزل يوقع ويختم وقعدت أنتظره 3 ساعات
قلنا خلاص احنا نطلع له قالو مايصير ممنوع رحنا ل مدرير المستشفى
نشوف إيش الحل مع الدكتور قالو ما اقدر اسوي لكم شيء
ولا تقدرون تشتكون عليه لا أنكم مو مرضى
وصراحة شيء ينرفز خلصت كل شيء إلا التوقيع والختم
وأخذت رقمه ورحت الانتظار وانا قاعدة اسب فيه انا وعمتي
إلا ويرد وسمع الظاهر ماجاه من شتائم
وكلمته وقلت ليه ماتوقع الورقه قال انا مالي شغل
وانا مااوقع على شيء ماقريته قلت اكيد انك لما توقع راح تقرا
ومو اول خطاب مر عليك ليه يعني
وقال انا الحين عندي إجتماع برا المستشفى والسبت اكيد موجود
إن شاء الله قلت طيب على خير إن شاء الله
وراح اخلي اخوي يروح يروح يوقعها ويختمها
بس هاذي اول واخر مره اتعامل معهم

وباقي لي المجال المدرسي بروح إن شاء الله نفس المدرسه اللي راحت لها سديم
والله يعين إن شاء الله

يَ ويلي عنتس

الله يقلعهم مالهم داعي كل هالحوسه
ناس عسره ماتيسر امور الخلق
قلت لتس تعالي معي نفس المستشفى تدرين يوم جيتها قالت امس جايني 6 بنات
واليوم وانا استنى الختم شفت طالب يعني الاغلبيه عندهم وفاهمين لأمورنا
وبعدين مايصير تدخلين عندها قبل ماتاخذين توقيع من الاداره على الخطاب ويوافقون تقابلينها
بس يالله مايخالف تيسر الامور لاتحاتين
والمدرسه لاتشيلين همها تيسر وسعي صدرتس
بالتوفيق يَ جميلتي