|
رد: وشلون اذاكر الانجلش ياااااويلي
راع المروه / أنا الحلوهـ أنا / mǾҺÄmmĔđ /
اللهم آآآآآآآآآمين وإياكم .... شكرا لمروركم ومشاركتكم وجميل جداً ناس خلصت المادة وتشوفها سهلة مثل ماهي بدون ماتكبر شكلها...
كبريائي بصمتي؟ /
العقدة داخلنا وليست في الإنجليزي نفسه....أنت تستطيعين فك هذي العقدة بمحاولتك ومذاكرتك واعتمادك على الله سبحانه ثم قدراتك...
أنتي تتعاملين مع مادة سهلة أساسياتها معروفه وهي أصلا جاية من الصفر لاتحتاج متطلبات ولا تحتاج حل معادالات..
مجموعة من القواعد نفهمها وننجح بتميز...
إذا بدأتي تذاكرين انظري لها بطريقة ايجابية وأنها مادة أذاكرها عشان أستفيد وأتعلم منها وأطبقها في حياتي العامة... حاولي تربطين بين ماتقرأينه وبين الأحداث اليومية في حياتك
Mnera /
فيه أكثر من ملخص وملزمة للإنجليزي في المتندى اختاري الي يعجبك.... حاولي تختارين الي يناسبك أنتي لأن كثرة الملخصات بتلخبطك وتحوسك
فيه شيء يناسبني بس ماهو بالضرورة يناسبك فكل انسان يختلف بطريقة فهمه وتفكيره عن الآخر
وبالمناسبة أنا أشتغل على تعديل حالياً على الملزمة وبإذن الله راح أخلصها قريب ...
ريحااانه /
أنا ضد وجود المدرسة..لأنه بتاخذ منك وقت أنتي بحاجة تجلسين فيه مع نفسك وبنفس الوقت المدرسة ماراح تدخل معك الإختبار....
لازم تعتمدين على نفسك والله حرام فلوس للجامعة وفلوس ملازم وفلوس مدرسة خصوصية..!!!
جربي نفسك بالأول وامسكي الملزمة وقدامك البوربوينت وبعد ماتخلصين ثلاث محاضرات شوفي نفسك بتحتاجين مدرسة أو لا....
لا تقولين في نفسك وأنتي تذاكرين هذا صعب ولا راح أفهمه... حاولي تفهمينه بطريقتك ...
ما أظن دخلتي الجامعة وتخطيت 12 سنة دراسة وأنتي أقل من غيرك في شيء..!!
لاتحبطين نفسك
Noosaa /
اللهم آآآآآآآآآآآآمين وإياك ... ولك بمثل مادعوتي لي وزيادة ...
أحد منكم يتذكر أول مرة جلس على الكمبيوتر وكيف كان حتى خايف يمسك الفارة؟؟؟ ولو تعدى قائمة أبدأ ضااااع..َ!!!
والآن ماشاء الله ماسكين منتديات وفلتات في الإنترنت ...
نفس الكلام ينطبق على جهاز الآيفون والجالكسي في أول استخدام لنا له... بتحس نفسك ماتعرف وضايع ومع مرور الوقت بتكون أتقنته...
كذلك الإنجليزي بالضبط... لايمكن تتعلمه وأنت جالس تتحلطم ولا تذاكر ....
لالالالالالالالالالازم ضروري تمسك القلم بيدك وتحاول وتخطئ وتتعلم من أخطاءك وبعد مرور أسبوع وأنت تذاكر بتحصل بديت تفهم بشكل أفضل... أحيانا بعض المعلومات راح تتذكرها وبعض المعلومات راح تفهمها بشكل أفضل لما تمشي بالمنهج...
تأكدوا مافيه أحد بيرسب ...بإذن الله تعالى
بس يرحم والديكم ذاكروا 
تحياتي للجميع
|