كنت احسب ان الحب الاول مايروح
ثابت على طول الدهـر ماينجلـي
لكن بعد ماشفت ابو الوجه الصبـوح
غيّرت رايي بالحبيـب الاولـي !!
الاولي ماشفـت منـه الا الجـروح
بنيـت منزالـه وهــدّم منـزلـي
والا انت شيّدت المباني والصـروح
وعمّرت قلبٍ كان مهجـور وخلـي
القلب مـن سبتـك ماظنـي ينـوح
ياجعلنـي مابكيـك ياريحـة هلـي
اصبحت لي ياغايتي اكبـر طمـوح
بعدك دمـار وصحبتـك مستقبلـي
كلي فدا العينييك والرمـش الذبـوح
مع شامتينـك والجديـل المخملـي
وغمّازتينك لا اضحكت لي يامزوح
تحرق شراييني وتصلانـي صلـي
شاعر ولا عمري خبرت اني شحوح
الشعر بوصافـك يفيـض ويمتلـي
كل ماكتبت الشعر في وصفك وابوح
جاوب على شعري صفيـر البلبلـي
على النقا مغليك واحـب الوضـوح
سيّر عليـه واتـرك الباقـي علـي
اكذب عليك ان قلتلك مانـي شفـوح
في شوفتك يازين : واسمـع مايلـي
ماهو صحيح الحب الاول مايـروح
هذا انت ثاني بس مسحت الاولي !!