|
رد: تسجيل المواد للفصل الثاني
إنتبهي
لا تكررين خطأ الطلبه السابقين .. طالما أنك مسجله في
الجامعه وأجلتي سمستر راح تكونين السمستر اللي بعده
من الطلاب القدامى وليس المستجدين ... المواد ماراح
تنزلك دايركت ... أنتي تسجلينها وتعتمدينها
طبعا المواد اللي بتسجلينها تعتمد اللي أنتي ترغبين
وتاريخ التسجيل حتى الآن ما نزلت الخطه في التقويم
الزمني ولكن لو ناخذها بالحسبه نقول الإختبارات راح
تبتدئ في 6 - 2 - 1434هـ ونهايتها راح تكون 18 - 2 - 1434هـ
راح تظهر النتائج خلال أسبوع ومنها يفتحون النظام للتسجيل
لكن تابعي التقويم الزمني بموقع الجامعه حتى لا يفوتك
أما التسجيل فهو عن طريق تسجيل المقررات في البانر
وإدخال crn والموافقه عليها .. وفي حينها راح تتفعل معاك
إن شاءالله أكون أفدتك ... وبالتوفيق 
|