|
رد: قروب مبادئ الاقتصاد الجزئي
أمجد
المحاضرات المباشره ولا وحده بتطلع منها بفايده ألا المحاسبه والرياضيات بعد النت تقطع عنده ومحد يسمعه وراح معد شفناه
بخصوص المنفعه الكليه والمنفعه الحديه خلاص فهمتها 100%
عشان تعادل بالمعادله الرياضيه ولازم كلنا نفهمها لإنه بالمقرر الثاني راح تجينا مع معالجة لهذي المعادله
المنفعه الكليه دايم تكون في علاقة طرديه
والمنفعه الحديه في علاقة عكسيه
بتقول كيف؟
بكل بساطه المنفعه الكليه لو تراجع الكتاب صفحة 61 من الجدول للمنفعه الكليه تلاحظ إن المنفعه الكليه تزداد مع زيادة الكميه وهذا شي طبيعي طيب
نجي للمنفعه الحديه!!
المنفعه الحديه اللي إنت مثلا نآخذ من نفس الجدول كمية 6 وجبات
منفعتها هي بذاتها بدون اللي قبلها وبدون اللي بعدها منفعتها ك 6 وجبات!!
كم؟؟
بكل بساطه عشان تطلعها شوف منفعتها الكليه 225
ومنفعة رقم 5 الكلية كم؟؟ 206
طيب الآن عشان تطلع منفعة 6 وجبات الحديه ننقص 206 من 225
يطلع 19 وحده فقط
مع العلم بأن المنفعه الكلية والحديه لواحد هي 75!!
وهنا المقصود بالعكسي!!
أتمنى تكون فهمتني وفتحت الكتاب
طيب نجي الآن لموضوع الحل الرياضي
من نفس الجدول الآن نبي نطلع المنفعه الحديه للسعر بالريال أو الدولار أو الدينار أو اليورو أو القريفنا حتى
شلون؟؟
أنت عندك وجبات وعندك طعام تبي تعرف أكثر فائده أي تبي تعظيم فائدتك بين الجح والطماط بين الكتاب والأكل بين أي شي تبي لو حتى سيارات وبيت وأكل بيت تحددها حسب إحتياجاتك
نجي نمسك نفس الجدول بالكتاب بصفحة 54
خلنا نشوف كمية 2 بالنسبه للوجبات
كم سعر الوجبه؟؟ 3 ريال
وكم سعر الكتاب؟؟ 6 ريال
طيب لما تآخذ وجبتين بتطلع عليك ب 6 ريال طيب نبي منفعة الريال الحديه إحنا طلعنا منفعة الوجبه الحديه فوق خلاص بس نبي نطلع منفعة العمله هل هو فعلاً بستفيد منه ماديا بنفس المقدار الحدي للكتب أو لا
لإني لازم أوافق بين جميع اختياراتي في المنفعة الحديه بنفس الرقم يعني لو كانت المنفعه الحديه مثلا للوجبتين 6 لازم تكون جميع منافعي الحديه لجميع إختياراتي 6 وبكذا تكون أنت حققت بما يسمى التعظيم للمنفعه
طيب نرجع للست وجبات قلنا حقها 18 ريال
الحل الرياضي وش يقول ؟؟
المنفعة الحديه تقسيم السعر
طيب خلنا نرجع للجدول في صفحة 61
المنفعة الحديه ل 6 وجبه هو225 وحده
طيب إذن الناتج راح يكون 225 - 206 تقسيم 18 والناتج النهائي تضربه في عدد الوجبات
يعني 225- 206 = 19
طيب صار 19/18=1.05555555555
طيب نفس الناتج إضربه بنفس عدد الوجبات الآن مره ثانيه كم صار؟؟
6.3333333333333
الآن عشان تتأكد حلي صح أو لا
روح صفحة رقم 63
وشوف المنفعه الحديه للعمله عند 6 وجبات كم؟؟؟ بتحصلها نفس الرقم ومن هنا إنت كمل عاد يابطل
طبعاً الوجبه الأولى مضروبه بواحد والثانيه ب 2 وإلخ
يالله باقي أدرس الباقي عساني أخلصه وأنا فاهم بس
|